Kuvendi propozon binjakëzimin e komunës së Bujanocit me Bashkinë e Gjirokastrës
Kuvendi Komunal i Komunës së Bujanocit në seancën e sotme të saj ka aprovuar propozimin e kryetarit të komunës për të sjellë vendimin për binjakëzimin e komunës së Bujanocit me Bashkinë e Gjirokastrës.
"Për binjakëzimin e dy komunave kanë votuar 26 këshilltarë të Kuvendit Komunal, pa asnjë votë kundër dhe asnjë abstenim", thuhet në njoftimin e publikuar në facebook.
Sipas këtij votimi vendimi i sotëm ka hap rrugën që Bujanoci dhe Gjirokastra të nënshkruajnë edhe zyrtarisht marrëveshjen për binjakëzim dhe për të bashkëpunuar në projekte të fushave të ndryshme, si ekonomi, turizëm, sport, arsim, kulturë, sektori publik e ai joqeveritar.
