Vështrime
Arsimi përballë politikës
Gjërat duhet të ndryshohen me shpejtësi nëse dëshirojmë ta shpëtojmë këtë segment shumë të rëndësishëm për të ardhmen tonë.
Shkruan: Fatlum Hetemi
Arsimi është baza e çdo shoqëria, sepse pa arsim cilësor nuk mund të shkohet askund, prandaj edhe shtetet që tanimë ne i marrim si shembull i dhanë shumë rëndësi arsimit të mirëfilltë, duke punësuar njerëz me kritere dhe të kualifikuar, duke punësuar njerëz jopartiakë dhe jo militantë dhe duke punësuar cilësi dhe jo sasi.
Cilësia e arsimit në këto vitet fundit është aq e ulët sa e rrezikon të ardhmen e shqiptarëve, sepse po prodhon mendje të pashkolluar, njerëz që nuk do të jenë në gjendjen të përballen me sfidat e shekullit XXI e as me kërkesat e tregut global të punës.
Kjo gjendje e cilësisë së ulët është shkaktuar edhe nga interesat e udhëheqësve politikë, të cilët duke mos e ditur rëndësinë që ka arsimin për zhvillimin e shoqërisë, por edhe duke u nisur nga interesat e ngushta partiake zhvillojnë politika militante, e me ç’ rast arsimi fundoset rendë.
Megjithatë, do të isha shumë i gabuar dhe i padrejtë nëse ky vlerësim i atribuohet vetëm viteve të fundit. Drejtimi i gabuar ka filluar që nga viti 2000, ku ndikimi i politikës gjeti hapësirë edhe në institucionet arsimore, duke degraduar çdo gjë, madje gjithçka u bë politikë e asgjë nuk mbeti arsim.
Nuk duhet parë institucionet arsimore si çerdhe për rehabilitimin e militantëve partiakë pa asnjë kriter, por institucionet arsimore duhet parë si mundësi, vlerë dhe cilësi për një shoqëri me pretendime evropiane, sepse pa vlera të mirëfillta dhe cilësi në arsim, nuk mund të kemi progres në këtë lëmi.
Institucionet arsimore duhet të jenë bërthama e zhvillimit të një shoqërie, ngase me cilësinë në arsim në të ardhmen, ne do të kemi cilësi në drejtësi, në shëndetësi, në administratë dhe në të gjitha drejtimet tjera.
Si mund të kemi mjekë të mirë pa arsim të mirëfilltë?
Si mund të kemi inxhinierë të mirë pa arsim të mirëfilltë?
Si mund të kemi gjykatës dhe policë të mirë pa arsim të mirëfilltë? dhe
Si mund të kemi punëtorë efektiv në administratë pa arsim të mirëfilltë?
Dhe, të gjithë këtyre pyetjeve, e që janë të pakta i përgjigjet vetëm cilësia arsimore dhe depolitizimi i saj.
______________________________________________________________________________________________________
http://youtu.be/nDMCSCn7Yyccopy(/home/titulli/public_html/images/image/t/uploads/2013/12/shkollat_shqipe_ne_gjermani.jpg): failed to open stream: No such file or directory
Mund ti tregoni shoqërisë për këtë artikull!
