Ferati për emërimin e Demo Berishës si ministër në Serbi: Të shpallet si person “non-grata”

Zgjedhja e Demo Berishës si ministër për të Drejtat e Njeriut, Pakicave dhe për Dialog Social në Serbi, ka zemëruar shumë shqiptarë në Luginë dhe jo vetëm. 

Figura politike dhe sociale po e shohin këtë emërim si cenim të të drejtave të komunitetit shqiptar në Serbi, si problem shtesë mbi skenarin për shtypjen e të drejtave të shqiptarëve.

Ekspertja akademike, Dr. Flora Ferati-Sachsenmaier ka kohë që bën thirrje publike se kushdo që dialogon me Berishën duhet të shpallet si person “non-grata” nga komuniteti shqiptar në Serbi, ani pse Berisha nuk ka asnjë votë e asnjë përkrahje nga shqiptarët atje.

“Demo Berisha përfaqëson vetëm autokratin Aleksandar Vuçiq dhe politikat e tija agresive e destabilzuese në Ballkanin Perëndimor. Para disa vitesh, ai është përpjekur që ta marrë nën kontroll Këshillin Kombëtar Shqiptar në Serbi, por ka dështuar”, ka deklaruar Ferati-Sachsenmaier, në një opinion të ndarë së fundmi në rrjetet sociale.