Emergjente jetësimi i marrëveshjeve për qarkullim mes Serbisë dhe Kosovës

"Ne e kemi mirëpritur dhe përshëndetur një marrëveshje të tillë  duke e konsideruar si marrëveshje të mirë në letër. Të njëjtin qëndrim mbajmë edhe tash pasi që  nuk është hera e parë e nuk është as për t’u çuditur që Qeveria e Serbisë akoma po vazhdon të mos i respektoj marrëveshjet e nënshkruara vet", thuhet në kumtesën e "Vatrës", transmeton Titulli.com.

Nënshkrimi i kësaj marrëveshje, sipas "Vatrës", nuk e ka lehtësuar aspak kalimin e lire të qytetarëve në mes të dy shteteve sepse qytetaret tanë nga Republika e Kosovës nuk mund të lëvizin lirshëm ashtu siç nuk kanë mundur deri më tani.

"Për të kaluar kufirin me automjete , qytetarët e Republikës së Kosovës mundem vetëm nëse në veturat e tyre kanë regjistrim serbe e jo të RKS-së, çka do të thotë se ajo akoma diskriminon shqiptarët e Kosovës , nuk e njeh pavarësinë e Republikës së Kosovës dhe dëshiron ta kthej Kosovën në pikën zero , thënë  shkurtë ta kthej nën thundrën e saj".

"Marrëveshjet në mes të dy Qeverive asaj të Republikës së Kosovës dhe asaj të Republikës së Serbisë ne  Lëvizjes Qytetare "Vatra" konsiderojmë se shteti serb po i nënshkruan vetëm sa për të ia bërë qefin Unionit Evropian , spektrit ndërkombëtar dhe vetëm sa për të përfituar poenë politik me qëllim të vetëm për të t’a lehtësuar rrugën e saj drejtë integrimit sa më të shpejtë në Unionin Evropian. Por nëse vazhdon më këtë ritëm të mos zbatimit në praktikë të marrëveshjeve, më mirë është që mos të i nënshkruaj fare dhe as delegacioni i Qeverisë së Republikës së Kosovës mos të hyj në bisedime me një shtet që nuk ka arritur edhe pas dy dekadave të ndryshoj as 1 % nga ideologjia e saj e stërkrimbur sepse fundi i fundit Republika e Kosovës  nga këto nuk po përfiton asgjë.", thuhet në fund të kumtesës. /Titulli.com/