"Temë poashtu e rëndësishme e këtij takimi ishte edhe nevoja e domosdoshme e integrimit të shqiptarëve në të gjitha institucionet shtetërore, kërkesë kjo e cila në formë të shkruar iu ishte dërguar Qeverisë serbe si dhe të gjitha ambasadave të huaja në Beograd e nënshkruar bashkarisht nga Ardita Sinani në cilësinë e kryetares së komunës, kryetari i komunës së Bujanocit dhe deputeti popullorë në Parlamentin e Serbisë", thuhet në njoftimi e PVD-së.

Ardita Sinani gjithashtu shprehu brengën e saj sa i përket problemit shumë të ndieshëm të procedurave të stërzgjatura për njohjen e diplomave, e sidomos mosnjohjes së diplomave të Kosovës, faktor i cili po ndikon dukshëm në largimin e të rinjëve pas diplomimit të tyre në univerzitetet e Kosovës.

Ajo ësht shprehur gjatë takimit se tërheqja e investimeve në veçanti nga investitorët gjerman si dhe përfitimi nga IPA fondet do të ndikonte në përmirësimin e gjendjes socio - ekonomike të komunave me shumicë shqiptare./Titulli.com/