Lokale
Trupi Koordinues për Luginë me përbërje të re
Kryeministri i Serbisë Ivica Daciq ka thënë në Preshevë se këtyre ditëve do të emërohet përbërja e re e Trupit Koordinues për Jug të Serbisë.
“Këtyre ditëve do të emërohet përbërja e re e Trupit Koordinues për Jug të Sebisë, për të cilën kam biseduar edhe me përfaqësuesit e ambasadave perëndimore, me misionin e OSBE-së dhe Riza Halimin i cili është përfaqësues legjitim i popullit në Parlamentin e Serbisë”, ka thënë Daciq, raporton Titulli.
Sipas fjalëve të tij roli i këtij trupi është që të kujdeset për zgjidhjen e “problemeve konkrete”, por edhe të punojë diçka në zhvillimin ekonomik.
“Roli i saj është që të nxisë zhvillim, të zgjidhim problemet në lidhje me arsimin dhe të hapen dyertë e pjesëmarrjes më të madhe të pakicave nacionale në të gjitha institucionet e Serbisë”, ka shtuar kryeministri.
Daciq këto deklarata i ka bërë të hënën në Preshevë gjatë shënimit të ditës së policisë kufitare.
Arsye pse ka zgjedhur Preshevën për të shënuar këtë ditë, Daciq ka thënë: “Kjo është zgjedhë pikërisht për të treguar se shteti është prezent edhe në Jug të Serbisë./Titulli.com/
Mund ti tregoni shoqërisë për këtë artikull!
