Lokale
Stankoviq do të vizitojë Luginën
Kryetari i Trupit Koordinues (TK) për Preshevë, Bujanoc dhe Medvegjë gjatë dy ditëve të ardhshme do të qëndrojë në Luginë
Zoran Stankoviq, kryetar i TK-së gjatë së mërkurës do të vizitojë komunën e Preshevës, me ç’rast përveç takimit me kryetarin Ragmi Mustafa do të takohet edhe me banorët e fshatrave përreth.
Gjatë qëndrimit në Preshevë do të bisedohet për panairin e paralajmëruar për investime, librat e amzës dhe listat zgjedhore.
Stankoviq ndër të tjera do të vizitojë edhe pikën kufitare Miratoc-Llojan që lidhë komunën e Preshevës me Maqedoninë, ndërsa në fund do të zhvillojë një takim edhe me përfaqësuesit e OSBE-së.
Gjatë qëndrimit në Bujanoc, të enjten, Stankoviq qëndrimin zyrtarë do ta fillojë me takimin që do të realizojë me kryetarin e komunës, Nagip Arifin.
Ai do të vizitojë edhe fshatin më të madh shqiptarë në këtë komunë, Tërnocin.
Kryetari i Trupit Koordinues vizita do të bëjë edhe në ndërmarrjet e suksesshme të kësaj komune./Titulli.com/
Mund ti tregoni shoqërisë për këtë artikull!
