Lokale
“Shkolla e gazetarisë qytetare” vjen edhe në Bujanoc
Qendra për komunikim të ri Dokukino nga Beogradi, më 23 dhe 24 korrik do të organizojë “Shkollën e gazetarisë qytetare” edhe në qytetin e Bujanocit.
Kjo shkollë dyditore ka si qëllim mësimet themelore në shkruarjen e teksteve për medium të ndryshme, ndërsa si ligjërues do të kenë Darko Sokoviqin (regjisor).
“ Të rinjtë do të mësohen se si do të shkruhet lajmi, çfarë duhet të përmbajë, si duhet të vendoset titulli dhe detajet tjera”, tha për Titullin asistenti i këtij program, Marian Maruna.
Ai theksoi se në objektivin e kësaj shkolle janë mediat e reja. “Në punën tonë ajo që ne insistojmë të mësohet do të jetë shfrytëzimi i facebookut, twiteri , youtube dhe gjithçka tjetër që mund të shfrytëzohet në rrjetet sociale, pasi siç dihet facebooku është diçka shumë më tepër se shkruarja e një statusi”, tha Maruna.
Të gjithë të interesuarit për pjesëmarrje në këtë shkollë mund të paraqiten deri në fund të javës duke marrë adresën elektronike në këtë web faqen www.dokukino.org.
Kjo qendër komunikuese shkollën e njëjtë të gazetarisë e ka mbajt edhe në Preshevë dhe Medvegjë./Titulli.com/
Mund ti tregoni shoqërisë për këtë artikull!
