Samolica do ti thotë stop politikave demagogjike, votoni numrin 3 (foto&video)
Koalicioni për të drejtat e shqiptarëve (PVD-UDSH) ka vazhduar sonte fushatën zgjedhore me një tubim në Samolicë, ku është shpalosur programi zgjedhor I këtij koalicioni për zgjedhjet e 26 tetorit.
Galip Beqiri, kryetar aktual i KKSH-së, ka folur për punët të cilat janë kryer në KKSH gjatë katër vjetëve të fundit, ndër të cilat ka potencuar sigurimin e shumë librave për nxënësit e shkollave fillore, hapjen e fakultetit, caktimin e pesë datave të rëndësishme për shqiptarët e Luginë së Preshevës.
“Derisa të tjerët po mendojnë çka me punuar ne kemi përcaktuar 28 nëntorin si ditë kombëtare edhe për shqiptarët e Luginës së Preshevës”. Beqiri, ka ftuar të pranishmit t’i japin përkrahje koalicionit I cili para katër vjetëve ka themeluar KKS-në, derisa të tjerët e konsiderojshin këtë institucion “antishqiptarë”, por ne kemi vazhduar për tu përballur me shumë çështje të rëndësishme që janë me rëndësi për shqiptarët.
Kandiati tjetër nga lista e koalicionit, Rexhep Latifi, i cili vjen nga Samolica, ka kërkuar prej të pranishmëve përkrahjen, duke i bërë me dije se pushteti i Bujanocit i ka ndalë edhe ujin Samolicës, gjë të cilën nuk e bëjnë as armiqtë më të mëdhenj.
Adem Hasani, kandidat në listë, ka deklaruar se nuk mund të qeverisin me KKSH-në ata të cilët na shanin, na fyenin, na injoronin kur ne morëm guximin ta krijojmë një institucion të këtillë. Prandaj, thuani jo injorantëve të tillë tha ai.
Për rëndësinë e KKSH-së, punët të cilat I ka kryer ai dhe objektivat e ardhshme në frymën e proceseve integruese foli edhe Shaip kamberi, kryetar i Degës së PVD-së.
Ai potencoi nevojën që ky institucion të fuqizohet, dhe kjo do të bëhet me ata që I vunë themelet e këtij mekanizmi të rëndësishëm. Mos I besoni politikave të rrejshme, që ju premtojnë 2 mijë vende punë dhe ju udhëzojnë në fund të mjellni qershia. Politikat demagogjike kanë dëmtuar rëndë interesat tona në këto vitet e fundit ka thënë Kamberi, prandaj, jepne votën atje ku me sinqeritet punohet për të ardhmen tonë. Jepne votën te numri 3 Koalicioni për të drejtat e shqiptarëve.
Program Parazgjedhor
