PVD-UDSH shpalosi programin zgjedhor ne fshatrat Turi dhe Dobrosin (video)

Fillimisht koalicioni mbajti tubimin në fshatin Turi, ku u tha që qytetarët e komunës së Bujanocit në mënyrë masive po i bashkohen këtij koalicioni që po bashkon shqiptarët, këtij koalicioni që ofron qeverisje transparente në të mirë të qytetarëve.

Kryetari i UDSH-së në Bujanoc Adem Hasani tha se pushtetit aktual  që përbuzi shqiptarët po i vie fundi.

Kandidati për deputet republikan Fatmir Hasani ftoi qytetarët të votojnë numrin 18 për zgjedhjet republikane, pasi me këtë numër do të garojë lista e PVD-së në këto zgjedhje.

Shaip Kamberi, bartës i listës së koalicionit PVD-UDSH tha se ky koalicion ofron qeverisje që do të mbështes bizneset dhe bujqit, ka prioritet bashkëpunimin me diasporën dhe për këtë arsye në listë kanë edhe aktivistin e shquar nga Zvicra Agron Rahimin, i cili vie pikërisht nga fshati Turi.

Pas fshatit Turi, koalicioni PVD-UDSH vazhdoi me tubimin elektoral në fshatin Dobrosin. Në këtë tubim u tha që manipulimeve dhe premtimeve për fabrika në Dobrosin të pushtetit aktual po i vie fundi.

Kandidati për këshilltar nga ky fshat, Xhelal Rashiti, numëroi projektet që ishin realizuar në Dobrosin në kohën kur kryetar i komunës ishte Shaip Kamberi.

Në këtë tubim fjalën e mori edhe anëtari i kryesisë së PVD-së Ekrem Xhemaili, i cili tha që koalicioni PVD-UDSH nuk jep premtime boshe si partitë tjera, por mendon për rininë dhe për t'i kthyer shpresën qytetarëve.

Kryteari i UDSH-së në Bujanoc Adem Hasani akuzoi pushteti aktual të komunës së Bujanocit që me politikën e tyre kanë rritur taksat, por edhe korrupsionin në komunë.

Bartësi i listës dhe kandidati për kryetar të komunës, Shaip Kamberi tha që programi i tyre ofron faktorizim të shqiptarëve në Bujanoc, pasi që në këtë mandat edhe pse kishin 30 këshilltarë, Stojança Arsiqi ishte më i rëndësishëm se ata.

Me ftesën për të votuar numrin 4 për zgjedhjet lokale dhe numrin 18 për zgjedhjet parlamentare, koalicioni PVD-UDSH përmbylli tubimin në Dobrosin për të vazhduar të premten në fshatrat Osllarë dhe Lluçan./Titulli.com/

Program Zgjedhor