Lokale
Prania e forcave serbe trysni për ta shpërngulur popullatën
Drejtues të Shoqatës të të Shpërngulurve nga Kosova Lindore SHSHKL “Vatra”, kanë reaguar dhe e kanë quajtur të papranueshëm pranin e shtuar të forcave ushtarake dhe të xhandarmërisë serbe në fshatin Qarr, e që sipas tyre, për qëllim kanë përhapjen e frikës dhe shpërnguljen edhe të atyre pak banorëve që jetojnë aty.
Dihet botërisht se Malësia e Bujanocit është rajon i cili në vitin 1999 është përballur me dhunë dhe dëbim masiv nga regjimi serb. Dhe nga shtatë fshatra të banuara me mbi 3000 banorë, mbeti e tëra e zbrazët dhe nën mëshirën e ushtrisë dhe policisë serbe.
Pas një kohe një numër i vogël i banorëve janë kthyer në shtëpitë e tyre, ndërsa në fshatin Qarr janë kthyer 12 shtëpi. Sado që ky është numër simbolik i të kthyerve, edhe këta pak banorë nuk i lënë të qetë në shtëpitë dhe pronat e veta.
Këto dite banoret që jetojnë në fshatin Qarr, kanë shfaqur shqetësimin e tyre për shtimin e forcave ushtarake dhe të xhandarmërisë Serbe. Ata kanë njoftuar se forca të shumta po qëndrojnë afër shtëpive ditën dhe natën, duke I legjitimuar banorët dhe duke përhapur frikë dhe panik tek ata.
Këto lëvizje të reja të ushtrisë Serbe të cilat futen në lokalitete në orët e vona të mbrëmjes dhe qëndrojnë afër banoreve duke e vëzhguar çdo lëvizje të tyre, duke kontrolluar shtëpitë e banorëve, kanë bërë që i gjithë fshati të largohet përkohësisht për t’u kthyer më vonë E gjithë kjo trysni, po bëhet me qëllimin e vetëm që ti shpërngulin edhe këto pak familje të cilat po mbajnë sado pak gjallëri në Malësinë e Bujanocit.
Edhe këtë herë i bëjmë thirrje faktorit politik dhe ushtarak ndërkombëtar të bëjë presion të njëmendët te Serbia, që një herë e përgjithmonë të ndalë dhunën, frikësimin, panikun tek popullata, por edhe të mos jetë afër vendbanimeve. Njëkohësisht të bëjë demilitarizimin e plotë të zonën së Malësisë së Bujanocit, gjegjësisht të Kosovës lindore, thuhet në fundë të reagimit të Vatrës./Titulli.com/
Mund ti tregoni shoqërisë për këtë artikull!
