Ngushëllime për Ali Podrimën nga Amerika
Presidenti i Shoqatës së Shkrimtarëve Shqiptaro-Amerikanë, Adnan Mehmeti përmes një telgrami ka shprehur ngushëllimet familjes së Ali Podrimës dhe dashamirëve të poezisë shqiptare.
TE NDERUAR FAMILJARE TE POETIT ALI PODRIMJA!Rrufeja godet në lisa të lartë. Kështu ndodhi edhe këtë verë të hidhur e të papritur, i madhi Ali Podrimja u largua me kurorat e nderit dhe të lavdiës për të lënë emrin dhe veprën në Atdhe, Shqipëri, si më të çmuarin trashëgim për brezat, Poezinë e tij, shpirtin e tij poetik.
Në emër të Shoqatës së Shkrimtarëve Shqiptaro-Amerikanë si dhe në emrat tanë, ju shprehim ngushllimet më të sinqerta familjes së tij, gjithë të dashurëve dhe më tej:Të rroni ju dhe vepra e pavdekshme e të dashurit tuaj!
Është Poeti që kish kohë që e kish ngritur monumentin e nderit, për tu bërë udhërrefyesi i gjeneratave që vijnë dhe simbol i patriotizmit shqiptar.
Ali Podrimja e jetoi jetën në detin e trazuar të Kosovës për të mbërritur në ishullin më të bukur të Atdheut, Shqipëri, atë POETIK nga ku brezat do përkulen me nderim.Ai hyri në panteonin e të pavdekshmëve për të jetuar me brezat.
I pa harruar qoftë kujtimi i emrit dhe veprës së tij!
I qoftë dheu i lehtë!
Për Shoqatën e Shkrimtarëve Shqiptaro-Amerikanë.
Presidenti Kryetari
Adnan Mehmeti Dalan Luzaj
