Lokale
Ministri Markoviq anashkalon vendimin e Kuvendin Komunal të Bujanocit
Ministria për të Drejtat e Njeriut dhe Pakicave, ka refuzuar dhënien e pëlqimit në Vendimin e Kuvendit të Komunës së Bujanocit për emërtimin e rrugëve në këtë qytet.
Sipas aktvendimit të kësaj ministrie të datës 23. 03. 2012, i cili në komunë ka arritur të premten më 1 qershor 2012, refuzohet dhënia e pëlqimit për të gjitha propozimet e rrugëve, të përcaktuar me vendimin e KK të Bujanocit të datës 6 shkurt 2012 .
Arsyet sipas aktvendimi të ministrisë ishin për shkak të “qëndrimit të kundërt që mban Bashkësia lokale e Bujanocit” ndaj këtij vendimi dhe për shkak të “kundërshtive të shumta që janë bërë në opinionin publik të Bujanocit”.
Në bazë të këtij aktvendimi të ministrisë, vendimi i KK të Bujanocit nuk mund të aplikohet, prandaj, emërtimet e rrugëve mbeten të njëta siç janë aprovuar gjatë vitit 2001.
Sipas kësaj gjendje propozimi për sheshin e qytetit Skëndërbej nuk do të aplikohet, prandaj, emërtimi i tij edhe më tej do të mbetet Karagjorgje.
Vendimi i Ministrisë për të drejtat e njeriut dhe pakicave, ngushton kompetencat e vetëdaministrimit lokal në Bujanoc, dhe paraqet një ndërhyrje flagrante të autoriteteve qendrore në kompetencat e komunës së Bujanocit, thuhet në njoftimin e lëshuar për media nga komuna e Bujanocit./Titulli.com/
Mund ti tregoni shoqërisë për këtë artikull!
