Zgjedhjet politike në Preshevë, për komunë të së drejtës e ligjore

Duke qenë se, dua ta ndaj opinionin tim profesional publicistik nga ngjyrimet politike, dua që tju bëj me dije gjithashtu se jam shumë i vetëdijshëm për fjalën e thënë dhe peshën e saj, e sidomos kur e kemi parasyshë se jemi një Preshevë shumë e vogël dhe “të gjithë njihemi mes vete”, andaj kujdesi në fjalë, në fjalën publike të thënë në rradhë të parë duhet të jetë një ndër prioritetet e mëdha të kësaj fushate. Përpjekjet e liga për denigrim, shpifje, njollosje, për linçim dhe cka jo tjetër, me një fjalë përpjekjet e liga që mbi oponentin politik të hudhet “gurë e drunjë” janë joetike dhe kanë për bazë prishjen e marrëdhënieve ndërnjërëzore të cilës do anë qofshin!

Media ( ato që janë tani për tani) dhe komunikimi politik kanë një rëndësi shumë të madh, dhe ju kishim lutur që të tregojnë një pjekuri, maturi e ndërgjegjësim shumë të thellë për mesazhin që po përcjellin në mesin e shoqërisë! 

Fushata është periudhë shumë e shkurtër, ndërsa zgjedhjet janë një ditë, e ndërsa populli dhe vlerat tonë të shenjta kombëtare e fetare, të trashëguara thellesisht nga ndërgjegja e popullit janë të përhershme, andaj cdo kush duhet mirë ti ketë parasyshë keto vlera dhe ketë rend tradicional shqiptarë që ka i ka mbizotëruar shekujve e kohës! 

Një fushatë e ndërshme, dinjitoze, me komunikim të pjekur para audiencës, me një dialog të qartë, të saktë, të pastër e argumentuar mirë, drejtë e fortë është ajo vlerë që duhet ta bëjm traditë, duke i nderuar vlerat e përmenduara më lartë!