Të premten, Bujanoci përcjellë dy viktimat arabe që i shkeli treni
Në Bujanoc, të premten, 10 prill, me namazin e xhumasë, do t’i jepet lamtumira e fundit dy emigrantëve, viktima të aksidentit tragjik hekurudhorë.
Trupat e pajetë të dy meshkujve, ende të paidentifikuar, që besohet se i përkasin besimit Islam dhe janë nga Lindja e Mesme, do të varrosen në varrezat e myslimanëve në qytetin e Bujanocit.
“Varrimi bëhet në varrezat e qytetit të Bujanocës, nëpërmjet xhamisë së qytetit me kërkesën dhe inicimin Komunës së Bujanocit dhe kjo në koordinimin dhe dakordimin e Këshillit Bashkësisë Islame në Bujanoc në kontakt me kryetarin Sulejman efendi Fejzullahu”, ka njoftuar imami i xhamisë në Bujanoc, Ulvi Fejzullahu, raporton Titulli.com.
Dy personat e moshës së mesme humbën jetën më 5 prill, pasi u shkelën për vdekje nga treni në linjën ndërkombëtare që po vinte nga drejtimi i Shkupit.
Sipas hetuesve, dyshohet se emigrantët ilegal që po ecnin nëpër hekurudhë, nga lodhja i kishte zënë gjumi në trasenë e trenit, ndërsa për pasojë ishin shkelë nga lokomotiva.
Zyrtarët nuk kanë arrit të identifikojnë viktimat pasi të njëjtit nuk kishin dokumente identifikimi me vete. Obduksioni i trupave të pajetë është kryer në qendrën spitalore në Vranjë./Titulli.com/
