Regjistrimi në shkollat e mesme në Bujanoc vazhdon, nxënësit të verifikojnë vet procesin
Pas përfundimit të provimeve të cilat janë duke u zhvilluar në shkolla fillore do të filloj edhe regjistrimi në shkollat të mesme për vitin shkollor 2018/2019.Shkolla e mesme “Sezai Surroi” në Bujanoc për vitin e ri shkollor 2018/2019 do të mirëpres 210 nxënës në shtatë paralele në pesë profile të ndryshme shkollore.
Regjistrimi në shkollat e mesme do të bëhet me 12 Korrik të këtij viti, shkruan Titulli.com
Në bazë të suksesit të arritur gjatë shkollimit në shkolla fillore si dhe suksesit të arritur gjatë provimit të mbajtur në fund të klasës së tetë ministria e arsimit do të rangoj të gjithë nxënësit në profilet përkatëse.
Pas shpalljes së listës nga ministria e arsimit atëherë mund të filloj edhe regjistrimi në shkolla të mesme.
Të gjithë nxënësit mundë të verifikojnë vetë për regjistrimin në linkun e ministrisë së arsimit dhe zhvillimit të teknologjisë së Serbisë./Titulli.com/
