Foto ilustrim.
Qeveria e Serbisë miraton konkluzionin për ndërtimin e termocentralit solar edhe në Bujanoc
Qeveria e Serbisë miratoi Konkluzionin për projektin e ndërtimit pa menaxhim dhe mirëmbajtje të termocentraleve diellore të vetëbalancuara me kapacitet të madh me sisteme baterish për ruajtjen e energjisë elektrike në Serbi, si projekt me rëndësi për vendin.
Është planifikuar ndërtimi i termocentraleve solare në territoret e komunave të Negotinit, Zajeçarit, Oxhacit, Libanit, Leskovcit dhe Bujanocit, thuhet në njoftim, transmeton Titulli.com.
Siç specifikohet, projekti përfshin zhvillimin, ndërtimin, vënien në punë, menaxhimin dhe mirëmbajtjen e këtyre termocentraleve për dy vjet pas ndërtimit.
Termocentralet diellore do të përbëhen nga panele fotovoltaike, bartës të paneleve diellore me sisteme për monitorimin e lëvizjes së diellit (të ashtuquajturat gjurmues), sisteme baterish për ruajtjen e energjisë elektrike, si dhe pajisje të lidhura me tension të ulët, të mesëm dhe të tensionit të lartë.
Qeveria e Serbisë njoftoi se ky projekt i realizon qëllimet e tranzicionit energjetik dhe përmbush obligimet ndërkombëtare dhe do të eliminohet nevoja për import të energjisë elektrike dhe do të sigurohet furnizim afatgjatë i konsumatorëve me çmime ekonomikisht të volitshme./Titulli.com/
