Prishtina paralajmëron projekte për teknologji informative dhe të komunikimit në Bujanoc
Kryetari i komunës së Bujanocit, Arbër Pajaziti ka realizuar takimin e parë zyrtar jasht Bujanocit me kryetarin e Prishtinës, Përparim Rama.
Rama ka paraljmëruar projekt konkret në komunën e Bujanocit.
Postimi në Facebook nga Përparim Rama:
Kënaqësi e vecantë të pres, dhe t’i uroj për marrjen e detyrës Kryetarit të Komunës së Bujanocit z. Arbër Pajaziti. Vendosëm themelet e bashkëpunimit tonë në fushën e arsimit, kulturës dhe të shërbimeve publike.
Në veçanti, Kryeqyteti do të mbështes Komunën e Bujanocit me krijimin e inkubatorëve të biznesit për teknologji informative dhe të komunikimit.
Është jo vetëm kënaqësi por edhe obligim i yni që të mbështesim shqiptarët atje. Këtë do të bëjmë jo vetëm përmes shkëmbimit të përvojave por duke gjetur mundësi për financimin e projekteve të rëndësishme për qytetarët e Bujanocit.
U dakorduam që takimin e radhës t'a mbajmë në Bujanoc.
