Ndahen pjesërisht vendimet për mjete stimuluese në bujqësi në Bujanoc
Në mënyrë solemne në shtëpinë e kulturës në Bujanoc janë ndarë disa vendimet për mjete stimuluese në bujqësi për vitin 2017 në territorin e komunës së Bujanocit.Me këtë rastë, kryetari i komunës së Bujanocit Shaip Kamberi theksoi se interesimi i qytetarëve për subvencione në bujqësi tregoi se zhvillimi i komunës është i mundur përmes zhvillimit të bujqësisë, shkruan Titulli.com.
Në fazën e parë u ndanë 283 aktvendime ndërsa në fazën e dytë do të ndahen edhe pjesa tjetër e mbetur prej 157, vlera e përgjithshme mjeteve është 23 milion dinarë të cilat nuk janë siguruar në tërësi.
Gjatë ditës së sotme për fazën e parë janë ndarë 283 Aktvendime ndërkaq në fazën e dytë do të ndahen 157 aktvendime për mjetet stimuluese për 40 sera, 40 në fushën e bletarisë dhe fushat tjera të bujqësisë.
Në këtë konkurs ishin të paraqitura 451 kërkesa ndërsa mbështje stimuluese do ti ndahen 440 ekonomive bujqësore dhe familjare./Titulli.com/
