Mbledhja e dy qeverive, Nishani: Vëmendje Luginës së Preshevës
Presidenti i Republikës, Bujar Nishani në takimin ministrin e Punëve të Jashtme të Kosovës, Enver Hoxhaj, i cili po zhvillon një vizitë zyrtare në Tiranë.Nishani e siguroi Hoxhaj për mbështetjen e pakursyer të institucioneve shqiptare, për të mundësuar në një kohë sa më të shpejtë anëtarësimin e Kosovës në organizatat më të rëndësishme ndërkombëtare dhe avancimin e agjendës evropiane të saj.
Kreu i shtetit, theksoi rëndësinë që në mbledhjen e ardhshme të dy qeverive të diskutohet dhe të bëhen hapa konkretë për të ndihmuar në aspektin social, ekonomik, kulturor dhe arsimor shqiptarët që jetojnë në trojet e tyre në Medvegjë, Bujanoc dhe Preshevë, duke marrë si shembull praktikat më të mira evropiane./topchanel/
