Lugina në festë, shënon Kurban Bajramin (foto)
Rreth orës 7:15 të mëngjesit të sotëm, xhamitë e vendbanimeve të ndryshme të komunave Bujanoc, Preshevë, Medvegjë ishin të mbushura me besimtarë myslimanë që falën namazin e Kurban Bajramit.Dita e pare e Kurban Bajramit festohet ditën e dhjetë të Dhul Hixhes, një ditë pasi haxhinjtë qëndruan në kodrën Arafat në Mekë.
Besimtarët e Luginës, pas faljes së namazit të Kurban Bajramit i ka uruar edhe imami i xhamisë së vetme të shqiptarëve në qytetin e Bujanocit, Ulvi Fejzullahu.
Ai me këtë rast përveç urimit ka ftuar në paqe dhe pajtim mes besimtarëve kudo që gjinden ata, raporton Titulli.
Sipas traditës, festa e Kurban Bajramit vijoi më pas në shtëpitë e besimtarëve të Luginës me drekën tradicionale ku ftohen më të afërmit, si dhe therjen e kurbaneve.
Me rastin e kësaj feste besimtarët mysliman të Luginës dhe më gjerë kanë marrë urimet të përzemërta edhe nga udhëheqësia institucionale e fetare si dhe nga organizatat e ndryshme që veprojnë në këtë rajon.
KLIKO për të lexuar urimet. /Titulli.com/
