Dështojnë 40 milion dinarë për bizneset e Luginës së Preshevës për vitin 2017
Trupi Koordinues për Preshevë, Bujanoc dhe Medvegjë përmes një shkrimi për media ka njoftuar se këtë vitë nuk do të shpallet konkurs për ndarjen e mjeteve për subvencionim të bizneseve lokale.Sipas këtij njoftimi, ky institucion qeveritarë kishte paraparë mjete prej 40 milion dinarë për këto qëllime mirëpo ministritë përkatësë nuk kanë miratuar propozimin e tillë.
“Me programin për ndarjen e mjeteve të pakthyeshme për subvencionimin kemi drejtuar kërkesën tonë për pëlqimin e ministrive përkatëse për vendim. Progarmi ka marrë përlqimin e këshillit të qeverisë mirëpo deri në miratim të kuvendit nuk ka ardhur”, thuhet mes tjerash në njoftimin.
Kjo është arsyeja pse nuk është shpallur konkursi për subvenciminim e biznesit lokal në komunat Bujanoc, Preshevë dhe Medvegjë.
Zoran Stankoviq, kryetar i këtij institucioni ka deklaruar në muajin shkurt se për vitin 2017 ishte ndarë një buxhet prej 261 milion dinarë ndërsa përfaqësuesit e komunave Bujanoc, Preshevë dhe Medvegjë u patën deklaruar gjithashtu se janë të kënaqur me buxheitn e paraparë për vitin 2017 edhe pse nevojat janë më të mëdha./Titulli.com/
