Cakaj: Kuk ka marrëveshje të fshehur e as shkëmbim territoresh Kosovë-Serbi
Lokale

Cakaj: Kuk ka marrëveshje të fshehur e as shkëmbim territoresh Kosovë-Serbi

01.Jul.2020 08:53
0

Ministri në detyrë i Punëve të Jashtme në Shqipëri, Gent Cakaj deklaroi se është e sigurt që nuk ka marrëveshje të fshehur e as shkëmbim territoresh me Serbinë.

Cakaj në Rubikon në Klan Kosova këto deklarime i bëri pas takimit me të dërguarin special amerikan për dialogun Kosovë-Serbi, ambasadorin Richard Grenell.

“Ne nuk mund të sillemi sikur e kemi vëmendjen e vitit 2000 kur jemi në vitin 2020 dhe duhet të besohet plotësisht në atë që BE-ja dhe Amerika e komentojnë haptas, Lajçak dhe Grenell një punë e kanë bërë të qartë – që nuk ka marrëveshje të fshehtë e as shkëmbim territoresh”.
“Amerika e ka bërë të qartë edhe njohjen e ndërsjelltë e nëse ne mund të themi se mund të bëjmë pa ta është gabim, ne duhet të jemi përkrah me ta”.

“Nuk dua t’i jap mend Kosovës e as të luaj rolin e këshilltarit të Kosovës, mirëpo rëndësia është e patjetërsueshme, ky nuk është proces personal dhe do të vazhdojë”.

Cakaj mes tjerash theksoi se Kosova ka humbur kohë dhe se marrëdhënien me Amerikën e Bashkimin Europian duhet ta ketë të patjetërsueshme.

“Diçka është fare e qartë të paktën për Republikën e Shqipërisë që marrëdhënia me Amerikën dhe Bashkimin Europian është e patjetërsueshme, Kosova ka humbur shumë kohë dhe këtë duhet ta pranojmë të gjithë e pranojnë edhe ata në Qeveri, se përkundër lëvizjeve gjeostrategjike – marrëdhënia me Amerikën dhe BE-në duhet të jetë e mirëqenë”, deklaroi Cakaj.

Rama: Shqipëria e ka detyrim të mbështesë Kosovën pa kushte
Rikthehen fluturimet në Maqedoninë e Veriut, hapet aeroporti i Shkupit dhe Ohrit
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration