Bilall Maliqi nga Presheva fitues i çmimit të dytë në konkursin anonim letrar

Biblioteka e Prizrenit organizoi një eveniment kulturor të pasur me valle e recitime,për ta shënuar  ditën e saj, ku të pranishëm në sallë ishin dashamirës të artit, kulturës dhe letrave shqipe.

Më pas drejtoresha e këtij institucioni Sahadete Sadikaj-Kukaj para të pranishmëve elaboroi në pika të shkurtëra për sukseset një vjeçare të bibliotekës të cilat nuk ishin të pakta. Pjesë e fjalimit ishte edhe I dërguari i ambasadës së Amerikës, i cili po ashtu mbajti fjalim përshëndetës.

Nga juria profesionale e përbërë nga prof.dr Sali Bashota, Berat Batiu dhe Ali Selmanaj u ndanë katër çmime :
Çmimi ‘Abdullah Thaçi’ iu nda Ibrahim Skenderit
Çmimi i parë I takoi poetit Salajdin Krasniqi
Çmimi i dytë shkrimtarit Bilall Maliqi
Çmimi i tretë poetit Arianit Shoshaj 
Po këtë ditë u promovua edhe libri ‘Kreshta e fjalës’ botues Biblioteka Ndërkomunale e Prizrenit.

Sipas shkrimtarit Bilall Maliqi, ky çmim jo vetëm se e nderoi autorin e poezisë, por e nderoi  Preshevën dhe Luginën e Preshevës.

Ai po ashtu potencoi se kjo ishte hera e parë që merr pjesë në këtë manifestim i cili organizohet çdo vit nga Biblioteka.

Në fund para të pranishmëve shkrimtari e falenderoi nikoqirin e manifestimit, kolegët krijues dhe jurinë profesionale. Më tej shtoi se bashkëpunimi I krijuesve nga Lugina e Preshevës me Bibliotekën e Prizrenit do të jetë akoma më i fuqishëm./Lindita Berisha/Titulli.com/