Arifi: 28.000 euro shujta për nxënësit fillorist të komunës së Bujanocit

Kryetari i komunës së Bujanocit, ka transferuar pagesën për shujtat ushqimore të nxënësve të shkollave fillore.

Postimi i plotë në Facebook nga Nagip Arifi:

Sot, me kënaqësi shumë të madhe, për herë të parë në komunën tonë, nënshkrova urdhëresën financiare për pagesën e shujtave për të gjithë nxënësit e shkollave fillore të komunës së Bujanocit për muajin shtator.

Vlera e përgjithshme që iu është paguar filloristëve kap shumën prej 3.300.000 dinarë (28.000€) për muajin shtator.

Ky është një premtim i radhës i realizuar, dhe siç kemi thënë edhe më herët se përkujdesja ndaj nxënësve do të jetë gjithmonë në fokusin tonë.

Suksese dhe shëndet të gjithë nxënësve!