Ragmi Mustafa merr pjesë në konferencën e përhershme të komunave dhe qyteteve

Kryetari i Komunës së Preshevës Ragmi Mustafa ka marrë pjesë në konferencën  e përhershme për komunat dhe qytetet me temë ‘’promotorët e zhvillimit ekonomik lokal’’.

Konferenca e përhershme e qyteteve dhe komunave realizohet në kuadër të programit “Mbështetja e pushteteve lokale në Serbi” në kuadër të procesit për integrimeve evropiane që e financon Mbretëria e Suedisë, shkruan Titulli.com.

Gjatë kësaj konference janë prezantuar rezultatet e projektit që ka për qëllim përmirësimi e mjedisit të biznesit në nivel lokal.

Në prezantim janë mbajtur dy panel diskutime, si bashkëpunimi i sektorit publik dhe privat në nivel lokal dhe tërheqja e investimeve.

Pjesë e diskutimeve në panel ishin edhe përfaqësuesit e Ministrisë për Pushtet Lokal dhe Administrim Shtetërorë, Ministrisë së Ekonomisë, shoqatës së ekonomistëve, investitorët e huaj ,këshilltarë të bizneseve lokale, përfaqësues të kompanive  mëdha dhe përfaqësuesit  e komunave dhe qyteteve. /Titulli.com/