Rregulla të reja për objektet banesore dhe afariste në Bujanoc, gjoba prej 60 mijë dinarëve

Amir Rexhepi  gjatë një bisede për portalin Titulli.com tha se vendimi u morë duke pasur parasysh gjendjen kaotike nëpër pallatet banesore e afariste të qytetit.

Sipas Rexhepit ky vendim është në përputhshmëri me  ligjin i cili ka dalë nga parlamenti i Republikës së  Serbisë dhe me statutin e komunës së Bujanocit.

“Tash e tutje do të jenë të ndaluar që nga dritaret, ballkonet të shkunden tepihët,batanijet, hedhja e mbeturinave e gjërave të tjera, larja e ballkoneve dhe ujitja e luleve të bëhet me kujdes që të mos dëmtohet objekti”, u shpreh Rexhepi.

Në bazë të dispozitave të përgjithshme të ligjit për banimin  dhe mirëmbajtjen e pallateve dhe statutit të komunës së Bujanocit për çdo veprimtari e cila ushtrohet në pallatet banesore e që janë në kundërshtim me ligjin gjobat janë për subjektin juridik prej 60 mijë dinarë, personin juridik prej 15 mijë dinarë dhe ndërmarrësi prej 30 mijë dinarëve, theksoi Rexhepi.

“Komuna e Bujanocit obligon banuesit që të formojnë  komunitetin banesor të zgjedhin administratorin ose t’ia besojnë punën e administrimit administruesit profesional edhe në rast se nuk është banorë i atij pallati banesor, tha mes tjerash Rexhepi.

Ai tha se nga ky vendim banorët përfitojnë rregulla, rehati dhe siguri të cilat i kanë të garantuara me ligj e që deri tani ka qenë një kaos i vërtet./Titulli.com/