Deputeti i Parlamentit të Kosovës Murat Hoxha, diskuton problemet e shqiptarëve të Luginës

Gjatë këtij takimi u diskutua për problemet me të cilat ballafaqohen shqiptarët si në nivel të qeverisjes lokale po ashtu edhe në nivel të qeverisjes qendrore.

Si problem primar u konsideruan pasivizmi i shtetësisë për qytetarët e komunave të Bujanocit, Preshevës dhe Medvegjes, si dhe problemet shoqërore në tërësi që e preokupojnë këtë zonë.

Deputeti Hoxha shprehu përkrahjen për dhënien e kontributit të tij në zgjidhjen e këtyre problemeve dhe shprehu gatishmëri të jetë një zë i fuqishëm i këtyre qytetarëve në kuvendin e Kosovës.

Kurse Kushtrim Kadriu kryetar i Lëvizjes “Vatra”, kërkoi nga komuna e Bujanocit të bëjë krijimin e trupave të bashkëpunimit ndërkufitar me qëllim krijimin e urave sa me të fuqishme të bashkëpunimit në mes të komunave në Luginën e Preshevës dhe atyre të Kosovës.

Deputeti Fatmiri Hasani shprehu shqetësimet e tij për gjendjen e shqiptarëve në këto treva dhe shpalosi brengat me të cilat ballafaqohen këta qytetarë, ku gjithash kërkoj angazhimin e Prishtinës zyrtare për zgjidhjen e këtyre problemeve.

Kryetari Shaip Kamberi informoi për gjendjen në Komunën e Bujanoc dhe shpalosi planet dhe të arriturat e tij, ku mysafirët i informoi për ecurinë e asfaltimit të rrugës Muhoc–Zarbicë e cila është arterie kryesore për kthimin e banorëve të dëbuar nga Malësia e Bujanocit.

Palët u dakorduan që së bashku të vazhdojnë punët në të mirë të qytetarëve dhe në të mirë të kauzës se pa zgjidhur të shqiptarëve në Bujanoc, Preshevë, Medvegje. /2L ONLINE/