Bujanoci do të avancojë administratën nga projekti i BE-së, Presheva mbetet në periferi
Gjatë ditës në Beograd është nënshkruar memorandum-bashkëpunimi me 20 komuna të cilave u sigurohet mbështetje në avancimin e resurseve njerëzore, projekt që financohet nga Bashkimi Evropian.Ministrja e Administratës Shtetërore dhe Vetëqeverisjes Lokale, Ana Brnabiq tha se në këtë projekt ishin paraqitur 93 komuna në Serbi dhe se kjo është një shenjë që ata din të identifikojnë kërkesat e tyre, shkruan Titulli.com.
Majkëll Davenport, shef Bashkimit Evropian në Serbi është shprehur se një administratë shtetërore efikase dhe transparente është një prej shtyllave të demokracisë I vetë Evropës.
Në këtë projekt janë përfshirë Beogradi me komunat Stari Grad I Savski Venac, Nishi, Novi Sadi, Kragujevci, Pançeva, Kraleva, Smedereva, Zrenjanini, Çaçak, Valevë, Loznica, Pirot, Baq, Trstenik, Medvegja, Rashka, Svrling dhe Bujanoci ndërsa Presheva nuk është përfshirë në këtë projekt.
Kryetari i komunës së Bujanocit, Shaip Kamberi mori pjesë në solemnitetin e nënshkrimit të marrëveshjes.
Komuna pjesëmarrëse përmes këtij projekti do të munden të edukohen dhe avancohen në njohuritë e tyre në punën e përditshme në administratë komunale./Titulli.com/
