Arifi: Vendimi i Kosovës për targat është i drejtë, presim reciprocitet edhe në fushat tjera
Lokale

Arifi: Vendimi i Kosovës për targat është i drejtë, presim reciprocitet edhe në fushat tjera

23.Sep.2021 10:48
0

Qeveria e Kosovës së fundi ka vendosur masën e reciprocitetit për targat me Serbinë. Këtë vendim e ka mirëpritur edhe kryetari i Komunës së Bujanocit, Nagip Arifi, ani pse mund të ketë problem në qarkullim.

Arifi për Indeksonline tha se, vendimi është i drejtë pasi që ka qenë i nxitur nga qeveria serbe.

“Vendimi i Qeverisë së Republikës së Kosovës për vendosjen e reciprocitetit rreth targave është një vendim i drejtë, përkundër faktit që mund të vonojë qarkullimin e qytetarëve tanë me rastin e ndërrimit të tabelave. Gjithsesi, ky vendim ka qenë i nxitur nga qeveria serbe, e cila nuk ka zbatuar marrëveshjen e Brukselit për qarkullim dhe lëvizje të lirë të qytetarëve të dy shteteve.

10 vite qytetarët e Republikës së Kosovës kanë paguar, i kanë fshehur apo hequr tabelat kur kanë hyrë në Serbi. Ne kemi kërkuar vazhdimisht reciprocitet dhe vendimi i fundit i qeverisë së Kosovës ka të bëjë me zbatimin e reciprocitetit”, u shpreh ai për Indeksonline.

 

Shoferët me targa të lëshuara nga Serbia duhet të paguajnë 5 euro për targa të përkohshme dhe vlefshmëria e tyre është 60 ditë. Nga kjo masë u kërkua të përjashtohen Bujanoci, Presheva dhe Medvegja, pasi që ato komuna janë të lidhura shumë me Kosovën.

Por që lajmi i mirë erdhi nga shefi i kabinetit të kryeparlamentarit Glauk Konjufca, Ilir Kërçeli. Ai pohoi se mjetet e mbledhura nga pagesat e tabelave nga shqiptarët e Luginës, do të kthehen në donacion për të.

Këtë vendim e përshëndet edhe Nagip Arifi. “Përshëndesim qëndrimin e kryeministrit Kurti që pagesën simbolike ta kompenzojë në forma tjera për qytetarët tanë”, tha ai.

Kryetari i Bujanocit pret që reciprociteti të zbatohet edhe në fusha të tjera, siç është njohja e diplomave.

AFP: Serbët e veriut s’e kanë ndërmend të tërhiqen, të tjerët e kanë pranuar rregullin e ri
Vazhdon bllokada në veri pavarësisht thirrjeve për shtensionim
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration