Shqipëria ka nisur t’i kthejë në vendime marrëveshjet me Kosovën
Rajoni dhe Politika

Shqipëria ka nisur t’i kthejë në vendime marrëveshjet me Kosovën

04.Dec.2021 07:56
0

E para marrëveshje e kthyer në vendim është ajo që ka të bëjë me krijimin e Sekretariatit Koordinues Ndërqeveritar. Ky sekretariat do të koordinojë qeveritë e Shqipërisë e Kosovës në funksion të të gjitha marrëveshjeve dhe të gjitha angazhimeve, si një mekanizëm i ri funksional, i cili raporton dhe njëkohësisht orientohet nga zyrat e dy kryeministrave

Qeveria e Shqipërisë ka filluar të kthejë në vendime marrëveshjet e firmosura në mbledhjen e përbashkët me Qeverinë e Kosovës, mbajtur në Elbasan më 26 nëntor. E para marrëveshje e kthyer në vendim është ajo që ka të bëjë me krijimin e Sekretariatit Koordinues Ndërqeveritar.

“Në mbështetje të nenit 100 të Kushtetutës dhe të nenit 19, të ligjit nr.43/2016, ‘Për marrëveshjet ndërkombëtare në Republikën e Shqipërisë’, me propozimin e ministrit për Evropën dhe Punët e Jashtme, Këshilli i Ministrave i Republikës Shqipërisë vendosi: Miratimin e protokollit të bashkëpunimit, ndërmjet Këshillit të Ministrave të Republikës së Shqipërisë dhe Qeverisë së Republikës së Kosovës, për krijimin e Sekretariatit Koordinues Ndërqeveritar, sipas tekstit që i bashkëlidhet këtij vendimi”, thuhet në njoftimin e Këshillit të Ministrave, pas mbledhjes së ditës së premte.

Sekretariatit Koordinues Ndërqeveritar për Koordinimin e të dyja qeverive u krijua në mbledhjen e përbashkët të qeverive që u mbajt më 26 nëntor në Elbasan. Ky sekretariat do të koordinojë qeveritë e Shqipërisë e Kosovës në funksion të të gjitha marrëveshjeve dhe të gjitha angazhimeve, si një mekanizëm i ri funksional, i cili raporton dhe njëkohësisht orientohet nga zyrat e dy kryeministrave. 

“Krijimi i Sekretariatit është një hap ku ne së bashku besojmë fort se do të na sjellë përshpejtimin e të gjithë hapave të tjerë. Mos mendoni që Sekretariati është një mekanizëm që e shpikëm ne sot. Ka qenë prej kohësh një kërkesë e vetë punës, me emra të ndryshëm, por nuk është bërë asnjëherë. Sot kemi një Sekretariat dhe e kemi sekretariatin të formalizuar sot, por ndërkohë sekretarin, koordinatorin e këtij Sekretariati e kemi në punë qysh prej takimit që bëmë në Prishtinë, pasi dakordësuam parimisht që do ta ngremë këtë Sekretariat dhe ky është personi, ju e njihni personin. Është një rast konkret dhe domethënës i një individi, figure që gëzon respekt të plotë nga të dyja palët dhe që ka filluar punën konkretisht”, deklaroi pas mbledhjes së përbashkët kryeministri i Shqipërisë, Edi Rama.

Koordinator i Sekretariatit Koordinues Ndërqeveritar do të jetë Gentian Sala, ish-kryetari i Autoritetit të Mediave Audiovizive (AMA) në Shqipëri, i njohur si aktivist i Lëvizjes Vetëvendosje në Shqipëri dhe person i afërt me kryeministrin e Kosovës, Albin Kurti.

Përveçse si aktivist i VV-së, ajo që e lidh me Kosovën Gentian Salën është fakti se gjatë luftës, në vitin 1999 ka qenë pjesë e grupit fakt-mbledhës të masakrave serbe ndaj popullsisë shqiptare. 

Sala ka drejtuar projektin “Blej Shqip”, një organizatë jo-fitimprurëse që në periudhën 2009-2014 nxiti një fushatë ndërgjegjësimi te konsumatorët shqiptarë që të zgjidhnin më tepër konsumin e produkteve “Made in Albania” ose “Made in Kosovo”.

Fjalimi i lamtumirës së Merkelit: Faleminderit për besimin. Shikojeni botën me sytë e të tjerëve
Shqipëria bëhet anëtare e Konventës kuadër për etikën në turizëm
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration