Ugandasja që ka lindur 44 fëmijë ka një mesazh për prindërit e rinj
Atraktive

Ugandasja që ka lindur 44 fëmijë ka një mesazh për prindërit e rinj

11.Sep.2018 01:09
0

Duket e pamundur, por ajo pretendon të ketë 38 fëmijë dhe lindi 44. Mariam Nabatanzi nga Uganda nuk kishte jetë të lehtë. Kur ishte 13-vjeçe, prindërit e saj e shitën te një burrë 27-vjeç. Ata e quanin atë një martesë, por Mariam as që e dinte se ç’po ndodhte derisa ata të mbetën në shtëpinë e tij.

Një vit më vonë ajo mori foshnjat e saj të para, binjakët, një vit më vonë trinjakë dhe pas dy vjetësh edhe katërnjak.

Si adoleshente, ajo e kuptoi se sa e vështirë ishte martesa.

“Burri im kishte shumë fëmijë nga marrëdhëniet e mëparshme dhe më duhej të përkujdesem për ta, pasi nënat e tyre ishin të shpërndara kudo. Ai ishte i dhunshëm, më rrihte në çdo rast vetëm nëse sugjeroja diçka që ai nuk i pëlqente”, tregon ajo.

Në atë periudhë, Mariam kishte 23 fëmijë. Ajo e kuptoi se nuk mund të jetonte më ashtu dhe kërkoi nga mjekët nëse ata mund të bënin një lloj operacioni, pas së cilës ajo nuk mund të lindte më. Pas analizave të hollësishme, mjekët i thanë asaj se çdo lloj operacioni do të ishte një rrezik shumë i madh.

Ajo lindi 44 foshnja, 6 binjakë, katër herë trinjakë dhe tri herë katërnjakë, dhe vetëm dy fëmijë lindi pa një “dublikatë”. Gjithashtu, ka gjashtë fëmijë të tjerë që kanë vdekur.

Mariam thotë se nuk pendohet për arsyen pse fëmijët janë një bekim nga Perëndia.

E vetmja gjë që shqetësohet është që fëmijët e tyre të rriten pa një baba. Burri i saj shpesh mungon për muaj, ndonjëherë për vite, derisa e braktisi përfundimisht. Ai kurrë nuk mori pjesë në rritjen e fëmijëve, përveç pagëzimit të emrave, gjë të cilën ai ndonjëherë e kishte bërë edhe përmes telefonit. Djali më i vjetër është 23-vjeç dhe thotë se babanë e tij nuk e ka parë që nga mosha 13-vjeçare.

Mariam nuk ka kohë të ankohet. Ajo i kushtoi gjithë jetën fëmijëve të saj, duke u përpjekur të sigurojë ekzistencën e tyre. Kostoja më e madhe e saj është ushqimi. Çdo ditë ata kanë nevojë për 10 kilogramë mish, 7 kg fasule dhe 4 kg sheqer.

Të gjithë fëmijët shkojnë në shkollë. Njëra nga binjaket e para tashmë është motër medicinale, ndërsa djali i dytë është murator i kualifikuar.

Për të mbuluar shpenzimet, ajo u detyrua të mësojë shumë aftësi të ndryshme. Mblodhi bimë medicinale që i shiste, bënte ëmbëlsira, dekoronte festime, etj.

Mariam ka një mesazh për prindërit e rinj në vendin e saj.

“Ndaloni shitjen e vajzave tuaja te burrat në martesat e hershme. Ato vuajnë shumë, dhe humbja e dashurisë prindërore është diçka që ato kurrë nuk do të mund të shërohen. Unë do të vazhdoj të luftojë që fëmijët e mi gjithmonë të kenë ushqim në tryezë. Kurrë nuk do t’i braktis, edhe nëse luftojmë për të mbijetuar ditën”, tha ajo.

Gjithashtu ka edhe një mesazh për burrat.

“Mos harroni përgjegjësinë, sepse martesa është një përgjegjësi e përbashkët për të rritur fëmijët”, shprehet Miriam.

Vuçiç: Serbia e Kosova janë “kilometra larg” një marrëveshjeje
Titulli nga Bujanoci pjesëmarrës në programin për lidership në Shtetet e Bashkuara të Amerikës (foto)
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration