Thaçi: S’ka marrëveshje përfundimtare me Serbinë pa SHBA-të dhe Mbretërinë e Bashkuar
Rajoni dhe Politika

Thaçi: S’ka marrëveshje përfundimtare me Serbinë pa SHBA-të dhe Mbretërinë e Bashkuar

19.Apr.2019 06:48
0

Më 29 prill do të mbahet Samiti i Berlinit. Me ftesë të Angela Merkelit dhe Emmanuel Macronit atje do të jetë edhe Presidenti i Kosovës Hashim Thaçi.

Presidenti nuk është shprehur optimist për zhvillimet që mund të dalin nga takimi i Berlinit.

“Në Berlin, s’do do të ketë as varrim as lindje, do të jetë takim krejt rutinor. Nuk do të ketë as propozim për status special. Unë nuk jam optimist, jam realist – e di si shkojnë këto konferenca. Nuk do të ketë mrekulli”, ka thënë Thaçi në Zonën e Debatit.

“S’ka plan gjermano-francez për Kosovën e Serbinë – duhet zbutur pritjet që aty do të ndodhë ndonjë marrëveshje apo plan sekret”.

“Takimi i Berlinit më shumë justifikon vonesat dhe paqartësitë që i kanë kanë brenda vetes shtetet e Bashkimit Europian. Synimi i Berlinit duhet të jetë edhe unifikimi i shteteve të Kuintit”.

“Kur pesë vendet e Kuintit, SHBA, Britania, Franca, Gjermania dhe Italia të jenë unike për vendet e Ballkanit Perëndimor, atëherë mund të ketë një zgjidhje”.

Thaçi ka thënë se nuk mund të ketë marrëveshje finale ndërmjet Kosovës dhe Serbisë pa Amerikën dhe Mbretërinë e Bashkuar.

“Pa akterët kryesorë, Amerikën dhe Mbretërinë e Bashkuar – s’ka marrëveshje përfundimtare. Ritheksoj se roli i SHBA-së është i pazëvendësueshëm”.

“Kosova ka besim të plotë dhe garanci vetëm kur SHBA-ja është prezente dhe mbështetëse. Ky takim në Berlin është i mirëpritur edhe në SHBA dhe ne duhet ta shfrytëzojmë si Kosovë dhe Ballkan Perëndimor”.

Frankfurti shkruan historinë, Çelsi dhe Arsenali nuk falin/ Video
Ministri i jashtëm rus do kërkim falje nga NATO-ja për bombardimet e 99’
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration