Shqiptarët shesin ushqime tradicionale në Zvicër për një aksion humanitar në Kosovë
Rajoni dhe Politika

Shqiptarët shesin ushqime tradicionale në Zvicër për një aksion humanitar në Kosovë

16.Jun.2019 10:14
0

Sot, nga ora 9 e mëngjesit shoqata jofitimprurëse “CreAction Geneve” ka mbajtur një aksion me qëllim humanitar.

Ushqime tradicionale shqiptare u shitën pranë dyqanit Coop në Onex dhe fondet e mbledhura janë dedikuar për një aksion humanitar në Kosovë. Gjatë ditës së sotme, nga shoqata kanë njoftuar se kanë arritur të mbledhin 2017 franga, nga shitja e ushqimeve.

Nga “CreAction Geneve” ka thënë për albinfo.ch për se do të përdoren këto para.

“Kjo shumë është grumbulluar për transportin e materialeve shkollore (banka, karrige), veshmbathjeve, lodrave, materialeve mjekësore dhe karrocave në Kosovë”, ka njoftuar ata.

Albinfo.ch mëson se mjetet e lartpërmendura janë kontribut i banorëve të Gjenevës, shkollave të Zvicrës dhe spitaleve.

 

Po ashtu, nga shoqata kanë njoftuar se këto mjete planifikojnë t’i dhurojnë në Kosovë gjatë verës, dhe se janë duke punuar për t’i gjetur rastet në nevojë.

Ndërkaq, shoqata “CreAction Geneve” ka falënderuar të gjithë ata që i kontribuuan këtij aksioni. “Mbesim me shpresë që të kemi solidaritet të njëjtë edhe në projektet tona të ardhshme”, kanë shkruar ata.

“CreAction Geneve” është shoqatë jofitimprurëse në Gjenevë, që përbëhet kryesisht nga studentët shqiptarë dhe zviceranë.

Image 
Image 
Image
Tadiq: Vuçiq ua ka premtuar ndërkombëtarëve Kosovën
Produktet amerikane përmes Kosovës në Evropë
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration