Shqipëria me moton turistike “Pusho shqip”
Rajoni dhe Politika

Shqipëria me moton turistike “Pusho shqip”

02.Jul.2020 07:32
0

“Pusho shqip”. Kjo është motoja e këtij sezoni turistik të pazakontë në Shqipëri, ku pandemia e koronavirusit detyron turizmin patriotik. Pushimet e verës në Shqipëri dhe të dimrit në Kosovë! Ky ka qenë rekomandimi i thjeshtë që është bërë të mërkurën në plazhin e Shëngjinit, ku është zyrtarizuar sezoni i përbashkët turistik Shqipëri-Kosovë.

Zyrtarizimi i sezonit mes Shqipërisë e Kosovës bën bashkë në Shëngjin përfaqësues të të dy qeverive. Në takim ishte i pranishëm ministri i Tregtisë dhe Industrisë në Qeverinë Hoti, Vesel Krasniqi, ministri i Turizmit dhe Mjedisit të Shqipërisë, Blendi Klosi, kryetari i Bashkisë së Lezhës, Pjerin Ndreu, kryetari i Komunës së Prizrenit, Mytaher Haskuka, etj.

“Ftoj të gjithë qytetarët e Kosovës që pushimet e tyre t’i kalojnë në Shqipëri, dhe u bëj thirrje qytetarëve shqiptarë që pushimet dimërore t’i kalojnë në Kosovë”, bëri thirrje ministri Krasniqi.

Për ministrin Blendi Klosi, veç njohjes së bukurive të dy vendeve, ky sezon do të jetë edhe vlerësim për biznesin shqiptar që ka investuar qindra miliona euro në këtë sektor. “Të gjithë së bashku të urojmë një sezon të mirë për Shqipërinë. Kurrë më shumë sesa sot ne na duhet të jemi bashkë për të luftuar një armik të padukshëm, që po lufton dukshëm industrinë e turizmit”, tha Klosi.

 

Hapet aeroporti i Shkupit, qytetarë Maqedonisë së Veriut rikthehen në vendet ku jetojnë dhe punojnë
PD shënon 9 vjetorin e themelimit, në Bujanoc pritet të futet në qeverisje lokale?
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration