Pse kinezët shënojnë vitin e ri hënor?
Atraktive

Pse kinezët shënojnë vitin e ri hënor?

10.Feb.2019 18:24
0

Viti i ri kinez ka nisur një ditë më parë me celebrime e festa për Vitin e Derrit, në atë që është festivali i 4 shkurtit në Kinë, por përse e shënojnë vitin e ri hënor ata?

Festivali i vitit të ri në Kinë vazhdon nga 5 deri në 19 shkurt, i njohur si Festivali i Pranverës, nisja e të cilit është festë kombëtare në Kinë. Por kjo nuk ditë çdo vit në të njëjtën ditë pasi përcaktohet nga kalendari hënor i Kinës.

Kalendari lunar kinez ka funksionuar si një udhëheqës fetar, dinastie dhe shoqërie prej kohërave të lashta. Kockat e orakujve të shënuara me të dhëna astronomike tregojnë se ky kalendar ka ekzistuar prej shekullit XIV p.e.s. kur në fuqi ishte dinastia kineze Shang.

Struktura e kalendarit nuk ka qenë statike dhe ndryshonte nga një rajon te tjetri. Kalendari i përshtatet fazave të hënës dhe ekuinokseve diellore.

Normalisht viti i ri kinez nis me hënën e re që ndodh mes fundit të janarit dhe fundit të shkurtit. Festimet e tij zgjasin 15 ditë deri në hënën e plotë që kulmon me Festivalin e Fenerëve të kuq.

Kalendari kinez përfshin gjithashtu zodiakun kinez, që është i dymbëdhjetë stinëve apo “shenjave”, sipas rrugës së diellit në kozmos.

Pranohet përgjithësisht se fillimisht zodiaku kishte të bënte me adhurimin e kafshëve. Ai ka ekzistuar në kulturën kineze që prej dinastisë Qin më shumë se 2000 vjet më parë, transmeton atsh.

Çdo vit i ri shënohet nga karakteristikat e një prej 12 kafshëve të zoodiakut: miu, demi, tigri, lepuri, dragoi, gjarpri, kali, delja, majmuni, gjeli, qeni e derri.

Këtë vit është Viti i Derrit. Zodiaku luan rol të rëndësishëm në kulturën kineze dhe mund të përdoret për të parashikuar fatin e vitit përkatës.

Bieber: Për ndryshimin e kufijve të Kosovës po zhvillohen bisedime të fshehta
Protestat në Serbi hyjnë në javën e dhjetë, kërkohet dorëheqja e Vuçiqit
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration