Praga, qyteti me më shumë gjelbërim në planet (FOTO)
Kulturë

Praga, qyteti me më shumë gjelbërim në planet (FOTO)

16.Sep.2018 21:09
0

Ndiheni të rrethuar nga çimentoja dhe asfalti? Të asfiksuar nga smogu e trafiku? Të mbytur nga pallatet shumëkatëshe?

Në realitet, në disa kryeqytete ka më shumë gjelbërim nga sa mendoni. Indeksi i qyteteve të gjelbra për vitin 2018 ka vlerësuar qytetet me më shumë gjelbërim në planet, e i pari në listë është Praga: përveçse i bukur, edhe i gjelbër!

Studimi ka vlerësuar 50 qytete të botës, me numrin më të madh të zonave të gjelbra. Në konsideratë janë marrë zonat natyrore, pyje dhe lëndina, por edhe hapësirat e gjelbra të krijuara nga njeriu, si parqe, fusha golfi, kopshte publike etj., si edhe terrenet e përdorura për prodhime ushqimore, frutore, vreshta, etj..

Praga kryeson renditjen pasi 56.7 për qind e kryeqytetit çek është e mbuluar nga gjelbërimi. Ai që njihet edhe si qyteti i 100 kullave, mban edhe rekordin e kopshteve publike, me 22.5 metra katrorë për banor.

Edinburgu klasifikohet i pari mes qyteteve britanike, ndërsa më të gjelbërit në Shtetet e Bashkuara janë Uashingtoni dhe Los Angelesi.

Ndërkohë, qyteti me hapësirën më të vogël të gjelbër në dispozicion të një banori është Tokio, me vetëm 5 metra katrorë; pasojnë Stambolli me 4.98 dhe Athina me 6.45 metra katrorë për banor. Ndërsa Roma renditet në vendin e 7 në klasifikimin global, me 166.47 metra katrorë gjelbërim për frymë.

 
Ka ndërruar jetë sekretari i përgjithshëm i FIBA-s, Patrick Baumann
UEFA vazhdon t’i besojë gjyqtarëve nga Kosova, Besfort Kasumi drejton ndeshjen Rumani – Lihtenshtajn
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration