Loja e luftës që rrezikoi ta ndizte Luftën e Tretë Botërore
Rajoni dhe Politika

Loja e luftës që rrezikoi ta ndizte Luftën e Tretë Botërore

11.Sep.2018 01:09
0

Më 7 nëntor 1983, rreth 100 oficerë të lartë ushtarakë u mblodhën në selinë e NATO-s në Bruksel për ta “zhvilluar” Luftën e Tretë Botërore. Simulimi vjetor, i njohur si “Shigjetari i shkathtë”, ndodhi në fund të një manovre konvencionale të përmasave të mëdha - “Mësymja e Vjeshtës” - në të cilën morën pjesë me dhjetëra e mijëra trupa të NATO-s nga mbarë Evropa Perëndimore.

“Shigjetari i shkathtë 83” ishte mbajtur në kohën e tensioneve të thelluara të Luftës së Ftohtë. Marrëdhëniet midis vendeve të Paktit të Varshavës dhe atyre të rreshtuara për krah NATO-s qëndronin më keq se kurrë më parë, shkruan BBC, transmeton “Koha Ditore”.

Në fillim të atij viti, presidenti amerikan, Ronald Reagan, e kishte cilësuar Bashkimin Sovjetik si një “perandori e ligë”. Dhe në shtator, pilotët sovjetikë e qëlluan një aeroplan korean të linjës “Korean Airlines 747”, duke i lënë të vdekur të gjithë 269 personat në bord.

Në ndërkohë, të dyja anët e Perdes së Hekurt ishin në proces të zhvillimit të armëve bërthamore me rreze të shkurtra veprimi – përfshirë raketat me bazë në “Greenham Common” të Anglisë Jugore – të afta që t’i godasin caqet vetëm pesë minuta pas lansimit. Bota po përballej me një luftë që mund të shpërthente në çdo moment.

Novi Sad: Përfundon konferenca evropiane kushtuar mediave të pakicave, Titulli nga Bujanoci partner zyrtar medial
Shqipëria turpërohet në shtëpi, humb 4 me zero nga Skocia
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration