Kryeministri australian kërkon falje për pushimin në Havaje
Rajoni dhe Politika

Kryeministri australian kërkon falje për pushimin në Havaje

20.Dec.2019 12:43
0

Kryeministri australian, Scott Morrison ka kërkuar falje për pushimin e tij në Havaje, teksa kriza me zjarre në vendin e tij është përkeqësuar.

Ekipet e shpëtimit janë duke luftuar më shumë se 100 zjarre, të cilat janë përhapur në kohën kur Australia është përballur me dy ditët më të nxehta në histori.

Dy zjarrfikës kanë vdekur në një aksident rrugor të enjten, teksa ishin nisur për të fikur një zjarr të madh afër Sidnejt.

Morrison ka thënë se do të kthehet më herët nga pushimi, meqë mungesa e tij këtë javë ka nxitur kritika dhe protesta.

“Ndjej keqardhje të thellë për ndonjë ofendim të shkaktuar te ndonjë australian i prekur nga zjarret e tmerrshme, duke shkuar në pushim me familjen time në këtë kohë”, ka thënë ai të premten.

Si pasojë e krizës me zjarre nga muaji shtator, në Australi kanë vdekur tetë persona dhe janë shkatërruar më shumë se 700 shtëpi.

Temperaturat në disa shtete të Australisë kanë arritur në mbi 45 gradë Celsius këtë javë.

Të premten në Viktoria është regjistruar temperatura më e lartë gjatë muajit dhjetor, pasi në qytezën Hopetoun nxehetësia është regjistruar 47.4 gradë Celsius.

Çfarë ka ndodhur më 20 dhjetor ndër vite
Presidenti Trump në qendër të debatit të kandidatëve demokrat
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration