Kosova i jep fund serisë pa humbje – mposhtet nga Anglia, por nuk turpërohet
Sport

Kosova i jep fund serisë pa humbje – mposhtet nga Anglia, por nuk turpërohet

11.Sep.2019 09:42
0

Kosova e ka pësuar humbjen e parë në këto eliminator nga Anglia me rezultat 5-3.

Një ndeshje me dy fytyra, pasi që në pjesën e parë u paraqitëm dobët, ndërsa në të dytë skuadra ishte më mirë.

 

Skuadra jonë e nisi mirë ndeshjen duke shënuar që në fillim të saj, pas 35 sekondave.

Një top i humbur nga anglezët, bëri që Vedat Muriqi të pasojë për Valon Berishën, i cili nga afër shënoi për 1-0.

Florent Muslija . (Photo by Clive Mason/Getty Images)

Por ky gol sikur i ‘ngacmoi’ anglezët, që shënuan plot pesë herë në portën tonë, në pjesën e parë.

Rezultati u barazua me Reahem Sterling, që shënoi me kokë nga afër për 1-1, pas një mbulimi jo të mirë në zonë (8’).

Nuk vonoi shumë dhe Harry Kane shënoi për 2-1 pasi e dribloi bukur Vojvodën (19’).

 

Mërgim Vojvoda dhe Harry Kane (Foto: Clive Mason/Getty Images/Guliver)

Goli i tretë ka qenë një autogol me Mërgim Vojvodën që shënoi gabimisht në portën e tij, pas një gjuajtje përtokë nga Sancho.

Në fund të ndeshjes, Jadon Sancho i ndezi turbinat angelze, duke shënuar dy herë në portën e Aro Muriqit.

Fillimisht shënoi në minutën e 41-të, pastaj në minutën e 44-të.

Raheem Sterling . (Photo by Clive Mason/Getty Images)

Pjesa e dytë e soli një vendosshmëri më të madhe të djelmoshave tanë, që si duket kanë marrë kritika të mëdha nga trajneri Bernad Challandes.

Valon Berisha më i miri në fushë për ne, shënoi për 5-2 me një goditje të bukur nga brenda zonës në minutën e 49-të.

Forma e mirë e Kosovës vazhdoi edhe pas golit të dytë.

Një top në zonë pranohet mirë nga Muriqi, i cili fiton penalti pasi Harry Meguaire e pengon nga prapa. Nga pika e bardhë ishte pikërisht Muriqi që shënoi për 5-3 në minutën e 55-të.

Vedat Muriqi . (Photo by Clive Mason/Getty Images)

Ndeshja u hap plotësisht dhe Kosova kërkonte më shumë dhe kjo bëri që të lënë hapësira prapa.

Një pengim i Amir Rrahmanit në zonë ndaj Barkley, bëri që gjyqtari të akordojë penallti.

Harry Kane gjuajti nga pika e bardhë, por që Aro Muriq ishte në vend duke e ndalur topin.

(Foto: Clive Mason/Getty Images/Guliver)

Berisha dhe Celina kishin raste të mira që ta ngushtonin epërsinë, por që ishin të pafat.

Pas kësaj humbje që është e para për Kosovën, kalojmë në pozitën e tretë me tetë pikë, ndërsa Anglia ka 12 pikë.   /Telegrafi/    

Presidenti çek i thotë Vuçiqit, Më pëlqen Serbia, por nuk më pëlqen Kosova
Ky është shqiptari i parë në krye të Gjykatës Supreme në Maqedoni
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration