Kocijançiç pret bashkëpunim me Palmerin, por “dialogun Kosovë-Serbi e ndërmjetëson BE-ja”
Rajoni dhe Politika

Kocijançiç pret bashkëpunim me Palmerin, por “dialogun Kosovë-Serbi e ndërmjetëson BE-ja”

02.Sep.2019 19:52
0

Zëdhënësja e BE-së Maja Kocijnaçiç ka thënë se Bashkimi Evropian pret bashkëpunim të ngushtë me të dërguarin special të SHBA-së për Ballkanin Perëndimor, Matthew Palmer. 

Në deklaratën e saj për Tanjug, ajo theksoi rolin e SHBA në dialogun Kosovë - Serbi, por gjithashtu deklaroi se këto bisedime mbahen nën ombrellën e BE-së.

“SHBA ka dhënë një kontribut të rëndësishëm në punën tonë në Ballkanin Perëndimor, veçanërisht kur bëhet fjalë për sukses në dialogun e ndërmjetësuar nga BE midis Beogradit dhe Prishtinës. BE dhe SHBA ndajnë një interes të fortë të përbashkët për një Ballkan Perëndimor të qëndrueshëm dhe të prosperuar dhe ne mezi presim që të vazhdojmë bashkëpunimin e ngushtë me SHBA-në dhe Matt Palmer si i dërguari special i SHBA-së”, ka thënë ajo, transmeton KP.

Ajo theksoi faktin që BE-ja dhe SHBA-ja kanë punuar ngushtë në Ballkanin Perëndimor deri më tani, por gjithashtu kujtoi se shefja e diplomacisë evropiane Federica Mogherini ishte “plotësisht dhe personalisht” e angazhuar në ndërmjetësimin e dialogut, si dhe në perspektivat e BE-së për “Serbinë, Kosovën dhe tërë Ballkanin Perëndimor”.

“Ne mirëpresim çdo angazhim për të mbështetur dialogun e ndërmjetësuar nga BE, qoftë ai që vjen nga vendet anëtare, bashkësia ndërkombëtare, dhe veçanërisht nga Shtetet e Bashkuara”, ka shtuar Kocijançiç.

Kamberi: Fillimi i vitit shkollorë, avancim i dijës
Pasi të zgjoheni nga gjumi mos i bëni kurrë këto gjëra
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration