Kina dërgoi 6 mjekë, respiratorë dhe maska në Serbi për të ndihmuar Koronavirusin
Rajoni dhe Politika

Kina dërgoi 6 mjekë, respiratorë dhe maska në Serbi për të ndihmuar Koronavirusin

22.Mar.2020 18:30
0

Serbia mori ndihma nga Kina për të luftuar koronavirusin. Pasi u vu në një situatë të vështirë nga kufizimi i eksporteve të pajisjeve mjekësore në Bashkimin Europian, Beogradi i kërkoi ndihmë Kinës.

Kina dërgoi gjashtë mjekë, respiratorë dhe maska në Serbi të shtunën për të ndihmuar autoritetet e vendit të luftojnë kundër përhapjes së infeksionit të koronavirusit. Ndërsa përshëndeti mjekët kinezë, presidenti Aleksandar Vuçiç puthi flamurin kinez.

“Një falënderim të madh shkon për presidentin Xi Jinping, Partinë Komuniste dhe popullin kinez,” tha Vuçiç, gjatë një ceremonie të organizuar në aeroport pas mbërritjes së ndihmave. Autoritetet serbe kanë raportuar 171 vetë pozitivë me covid-19 dhe një viktimë.

Serbia ka kritikuar Bashkimin Europian se i ka kthyer shpinën dhe iu drejtua për ndihmë Pekinit.

Të premten qeveria njoftoi masa më të ashpra për të ngadalësuar përhapjen e virusit, duke mbyllur kafenetë, restorantet dhe parqet, ndërsa qytetarët ndalohen të qarkullojnë nga ora 8 e mbrëmjes deri në 5 të mëngjesit. Pavarësisht masave, ekspertët e shëndetësisë kanë lajmëruar se piku i epidemisë pritet gjatë javëve në vazhdim.

Presidenti Vuçiç ka lajmëruar se një prej sallave të konferencave të Beogradit do të kthehet në një spital me 3,000 shtretër për të infektuarit me koronavirus.

Ekspertët e shëndetësisë së Kinës do të bashkëpunojnë homologët e tyre të Serbisë dhe do t’u propozojnë masa për të frenuar përhapjen e infeksionit. Ambasadori kinez në Beograd, Chen Bo, tha se ndihma u dha për të treguar “miqësinë e çeliktë” midis dy vendeve.

Serbia, e cila synon të anëtarësohet në Bashkimin Europian, ka zhvilluar marrëdhënie të ngushta me Kinën në të kaluarën. Pekini i ka ofruar Beogradit miliarda dollarë kredi për të ndërtuar autostrada, hekurudha dhe centrale elektrike.

.

Koronavirusi dhe paralajmërimet e Islamit, a është epidemia dënim nga Zoti?
Serbia numër rekord të personave të infektuar me Covid-19
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration