Inkuadrimit të SHBA-së në bisedime i duhet edhe pëlqimi i Serbisë, thonë burime të BE-së
Rajoni dhe Politika

Inkuadrimit të SHBA-së në bisedime i duhet edhe pëlqimi i Serbisë, thonë burime të BE-së

05.Aug.2020 07:29
0

Varet nga dy vendet, Kosova dhe Serbia, nëse duan që SHBA-ja, apo ndonjë shtet tjetër, të bashkohet në dialogun e ndërmjetësuar nga BE-ja.

Kështu kanë thënë burime nga BE-ja për dtt-net.com në lidhje me kërkesën e Kosovës ndaj Washingtonit dje për një “prezencë të përhershme aktive” në tavolinën e negociatave në Bruksel. 

Skënder Hyseni, i cili është Koordinator shtetëror për bisedimet me Serbinë, dje u takua në Washington me Zëvendës Ndihmës Sekretarin e Byrosë për Çështje Evropiane dhe Euroaziatike, Matthew Palmer, dhe kërkoi prezencë të rregullt të zyrtarëve të SHBA-së në bisedimet mes dy vendeve.

“Roli i SHBA-së në këtë proces është i pazëvendësueshëm dhe i kërkova zotëri Palmerit për prezencë të përhershme aktive të SHBA-së në tavolinën e bisedimeve në Bruksel”, tha dje Hyseni.

 

Por, sipas burimeve nga BE-ja, kjo varet edhe nga Serbia, e jo vetëm nga Kosova.

“Varet nga dy palët, Beogradi e Prishtina, nëse SHBA-ja apo ndonjë vend tjetër do t’i bashkëngjitej dialogut të lehtësuar nga BE-ja”, ka thënë ky burim për dtt-net.com, transmeton Zeri.info.

Serbiaka thënë në të kaluarën se nëse SHBA-ja do të kishte rol direkt në bisedimet e ndërmjetësuara nga BE-ja, atëherë Beogradi do të kërkonte edhe pjesëmarrjen e Rusisë.

I pyetur për rolin eventual të SHBA-së në bisedime, zëdhënësi i Bashkimit Evropian, Peter Stano, tha për dtt-net.com se Brukseli mirëpret “të gjitha iniciativat mbështetëse” për dialogun e lehtësuar nga BE-ja.

“Rruga drejt BE-së për Kosovën (e edhe për Serbinë) shkon përmes dialogut të lehtësuar nga BE-ja. BE-ja si lehtësues i dialogut punon nga viti 2011 me Beogradin dhe Prishtinën drejt një normalizimi gjithëpërfshirës të raporteve të tyre. Kur flasim për përfshirjen e palëve të treta në përpjekjet për të ndihmuar Kosovën dhe Serbinë për t’u pajtuar në normalizim gjithëpërfshirës të marrëdhënieve të tyre, ne i mirëpresim të gjitha iniciativat që mbështesin dialogun e lehtësuar nga BE-ja. Për BE-në, SHBA-ja është një partner i rëndësishëm. I ndajmë të njëjtat synime në rajon dhe mbështetja e SHBA-së që i jep dialogut të lehtësuar nga BE-ja është i mirëseardhur”, ka thënë Stano.

 
Bejrut: Dhjetëra të vrarë dhe mijëra të plagosur prej shpërthimeve (video)
Rrëfen shqiptari që jetoi në Beirut: Po ndodh tmerri, spitalet u stërmbushen nga viktimat e shpërthimit
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration