Halimi: Të ruhet tërësia territoriale e Luginës me çfarëdo marrëveshjeje mes Kosovës e Serbisë
Lokale

Halimi: Të ruhet tërësia territoriale e Luginës me çfarëdo marrëveshjeje mes Kosovës e Serbisë

13.Aug.2018 10:41
0
Veterani i skenës politike të Luginës së Preshevës, Riza Halimi, bashkimin e mundshëm të këtij territori me Kosovën e konsideron përmbushje të ambicieve të kahershme të shqiptarëve të kësaj ane, porse shfaq skepticizëm për kohën kur është shfaqur ky propozim.

Në vend se nga presidenti i Kosovës, Hashim Thaçi, ky propozim, sipas kryetarit të Partisë për Veprim Demokratik, do të duhej të ishte bërë nga Parlamenti i Kosovës, si organ me legjitimitet të plotë demokratik.

Propozimin aktual Halimi e sheh të mjegullt, të paprecizuar dhe të pakonkretizuar në hapat dhe mënyrën e zbatimit.

Insiston që në fazën finale të dialogut Prishtinë-Beograd, ku supozohet se do të diskutohet fati i Luginës, pjesë e negociatave të jetë një përfaqësues i saj.

Sheh paradokse në propozimin aktual, shkaku i parimeve të Grupit të Kontaktit për mosndryshim kufijsh. E lë të hapur rrezikun që nëse Kosova i shkel këto parime, precedenti të shfrytëzohet nga Republika Serbe, e cila prej kohësh synon shkëputjen nga Bosnjë-Hercegovina.

Por, insiston të qartësohet propozimi aktual dhe thotë se janë të palëkundur që të ruhet tërësia territoriale e Luginës me çfarëdo marrëveshjeje që arrihet ndërmjet Kosovës e Serbisë.

Plane aktive që komuna e Bujanocit të ndahet në dy pjesë
Kërkohet përgjigje zyrtare në Beograd për ndalimin e vizitës së akademik Hivzi Islami në Preshevë
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration