Mërgimtari, i dëshpëruar që ia konfiskojnë veturën në Kosovë

Nga Redaksia.B 14.06.2018 13:16

“Çfarë kam bërë që të vjen Njësia e Krimit. Unë e kam paguar veturën me djersë dhe ndoshta kam gabuar që e kam lënë aty, por nuk kam kryer asnjë krim. Nuk jam kriminel”, shprehet Qani Shehi

Për shkak të një prishje e kishte lënë veturën e tij në Kosovë. Por, Qani Shehit, që jeton në Londër, as nuk e kishte imagjinuar se vetura e tij do të konfiskohej. Madje, Shehi, është shumë i dëshpëruar që veturën ia ka marrë Njësia e Krimit dhe Korrupsionit. “Nuk kam bërë asnjë krim. Nuk kam pasur asnjëherë me probleme me ligjin. As në Kosovë dhe as në Angli”, thotë Shehi për albinfo.ch.

Vetura e tij ishte Volvo s8, viti i prodhimit 1999, të cilën e kishte lënë në Kaçanik, aty ku e ka prejardhjen, në një parking afër banesës së vëllait të tij, shkruan më tutje albinfo.ch.

“Jam ankuar dhe kam kërkuar shpjegim, por askush nuk më ka ndihmuar, e as përgjigjur, dhe kjo më dhemb më shumë”, shton tutje mërgimtari.

“Kam kontaktuar Ambasadën e Kosovës në Londër, Ministrinë e Diasporës, por nuk janë munduar as për të paktën një përgjigje të më kthejnë. Është shumë dëshpëruese”, nënvizoi Qani Shehi.

Mërgimtari është i dëshpëruar për trajtimin ndaj tij. “Çfarë kam bërë që të vjen Njësia e Krimit. Unë e kam paguar veturën me djersë dhe ndoshta kam gabuar që e kam lënë aty, por nuk kam kryer asnjë krim. Nuk jam kriminel. Ne mërgimtarët vijmë me dëshirë në Kosovë dhe nuk bën të trajtohemi në këtë mënyrë. Nuk e meritojmë. Jam i zemëruar që nuk kishte asnjë përgjigje, madje as nga Policia, se cilat janë arsyet”, ka nënvizuar Shehi.

Ai u mundua dhe u mundua për të nxjerrë veturën dhe u desh të paguajë shumë dënime, derisa në fund Dogana vendosi që ai të paguajë një shumë prej 700 euro.

Kështu pas një maltretimi të gjatë dhe të mundimshëm, ai mori veturën e tij, që e kishte blerë në Angli më 2005 për 4200 funte.

“Jam i dëshpëruar me të gjithë, sidomos me institucionet e Kosovës, që nuk janë munduar të më kthejnë përgjigje, e lërë më të më ndihmojnë. Mërgimtarët nuk e meritojnë një qasje të tillë. Dua të pyes institucionet e Kosovës se a përfshihet ky ligj në të gjithë territorin e Kosovës, më jepni një përgjigje ju lutem, sepse edhe fëmijët kur i pyetni në rrugë e dinë. Krimi dhe korrupsioni, institucionet e Kosovës e dinë shumë mirë se ku gjenden. Aty në Kosovë, jo te mërgimtarët sepse ne nuk jemi kriminel”, përfundon Qani Shehi për albinfo.ch.

Nga Redaksia.B 14.06.2018 13:16
Shkruaj Koment

Asnjë koment

Ende nuk ka komente!

Më lejoni tju them një histori të trishtuar! Ende nuk ka komente, por mund të jeni i pari që e komentoni këtë artikull.

Shkruaj një koment
Shiko të gjitha komentet

Shkruaj Koment

Hyrje

Fushat e patjetërsuara janë të shënuara me *

Nëse nuk jeni të regjistruar, atëherë klikoni Regjistro!

Para se të dërgoni komentin Tuaj ju lutemi që t’i përmbaheni rregullave të mëposhtme:

Mendimet e shprehura në komente janë opinione private të autorëve të komentit dhe nuk pasqyrojnë pikëpamjet e redaksisë së portalit informativ Titulli.

Gjithashtu lusim lexuesit e portalit Titulli që gjatë shkruarjes së komentit t’i përmbahen drejtshkrimit.

Redaksia mbanë të drejtën e mos aprovimit të komenteve me përmbajtje fyese, që janë vulgare, kërcënuese, raciste si dhe ato të cilat bëjnë thirrje në urrejtje etnike dhe nuk kontribuojnë në komunikim normal mes lexuesve të këtij portali.

Komentet që nuk kanë të bëjnë me temën dhe kanë përmbajtje të papërshtatshme rreth jetës private të personit në artikull, apo fyerje në autorët e tekstit si dhe anëtarët e redaksisë, nuk do të aprovohen.

Vërejtje: Për të dërguar komentin së pari duhet të regjistroheni me emrin (pseudonimin), me të cilin pas aprovimit nga redaksia, këtë emër unik (pseudonim) mund ta shfrytëzoni për dhënien e opinionit tuaj në hapësirën për komentim.