Australia do të bëhet vendi i parë që do ta eliminojë plotësisht një lloj të kancerit

Nga Redaksia 21.04.2018 18:20

Shoqata Ndërkombëtare e papilomavirusit ka njoftuar se Australia mund të bëhet vendi i parë i cili do ta eliminojë plotësisht kancerin e qafës së mitrës.

Sipas një studimi të ri, përpjekjet e Australisë për shpërndarjen e Vaksinës së Papilomavirusit (HPV) falas nëpër shkolla ka qenë një sukses i jashtëzakonshëm.

Infeksioni i transmetueshëm seksualisht shkakton 99.9 për qind të rasteve të kancerit të qafës së mitrës, transmeton koha.net.

Në vitin 2007, qeveria federale australiane e filloi ofrimin e vaksinës për vajzat e moshës 12-13-vjeçare, ndërsa në vitin 2013 ajo u bë e disponueshme edhe për djemtë. Vajzat dhe djemtë jashtë kësaj grupmoshe, por nën moshën nëntëmbëdhjetëvjeçare kanë të drejtë edhe për dy doza falas të vaksinës.

Mes viteve 2005 dhe 2015, përqindja e femrave australiane të moshave 18-24 vjeç që kishin HPV ka rënë nga 22.7 për qind në vetëm 1.1 për qind.

Normat e imunizimit janë rritur më tej që nga viti 2015, duke kontribuar në atë që përshkruhet si efekti i "mbrojtjes së tufës".

Bota nuk po e zë hapin

Në Shtetet e Bashkuara, vaksina për HPV nuk është falas. Ajo mund të kushtojë deri në 450 dollarë për regjim të plotë, sipas Shoqatës së Profesionistëve të Shëndetit Riprodhues, edhe pse ndihma financiare shpesh është në dispozicion.

Në vitin 2016, 78.6 përqind e vajzave australiane 15-vjeçare dhe 72.9 përqind e djemve australianë 15-vjeçarë u vaksinuan - por vetëm 50 përqind e vajzave amerikane midis moshave 13 dhe 17 vjeç dhe 38 përqind e djemve amerikanë në mes moshave 13 dhe 17 vjeç ishin vaksinuar, sipas të dhënave të publikuara nga Henry J. Kaiser Family Foundation.

Situata është shumë më e keqe në botën në zhvillim, ku shkalla e incidencës së papilomavirusit mbetet e lartë.

"Dy të tretat e popullsisë së femrave në botë nuk kanë qasje në atë që kanë femrat australiane", tha Joe Tooma, shefi ekzekutiv i Australian Cervical Cancer Foundation.

"Nëse nuk bëjmë diçka, ky do të vazhdojë të jetë një nga vrasësit më të mëdhenj të kancerit në vendet në zhvillim".

Administrimi i vaksinës HPV në shkolla ka rezultuar gjithashtu të jetë efektiv në një provë që u zhvillua në Butan.

Ofrimi i një qasjeje të këtillë falas si vaksinë në vendet e tjera në zhvillim mund të duket si një masë e shtrenjtë, por siç tregon shembulli australian, kjo mund ta lehtësojë barrën e kancerit të qafës së mitrës më vonë.

 

Nga Redaksia 21.04.2018 18:20
Shkruaj Koment

Asnjë koment

Ende nuk ka komente!

Më lejoni tju them një histori të trishtuar! Ende nuk ka komente, por mund të jeni i pari që e komentoni këtë artikull.

Shkruaj një koment
Shiko të gjitha komentet

Shkruaj Koment

Hyrje

Fushat e patjetërsuara janë të shënuara me *

Nëse nuk jeni të regjistruar, atëherë klikoni Regjistro!

Para se të dërgoni komentin Tuaj ju lutemi që t’i përmbaheni rregullave të mëposhtme:

Mendimet e shprehura në komente janë opinione private të autorëve të komentit dhe nuk pasqyrojnë pikëpamjet e redaksisë së portalit informativ Titulli.

Gjithashtu lusim lexuesit e portalit Titulli që gjatë shkruarjes së komentit t’i përmbahen drejtshkrimit.

Redaksia mbanë të drejtën e mos aprovimit të komenteve me përmbajtje fyese, që janë vulgare, kërcënuese, raciste si dhe ato të cilat bëjnë thirrje në urrejtje etnike dhe nuk kontribuojnë në komunikim normal mes lexuesve të këtij portali.

Komentet që nuk kanë të bëjnë me temën dhe kanë përmbajtje të papërshtatshme rreth jetës private të personit në artikull, apo fyerje në autorët e tekstit si dhe anëtarët e redaksisë, nuk do të aprovohen.

Vërejtje: Për të dërguar komentin së pari duhet të regjistroheni me emrin (pseudonimin), me të cilin pas aprovimit nga redaksia, këtë emër unik (pseudonim) mund ta shfrytëzoni për dhënien e opinionit tuaj në hapësirën për komentim.