Tablotë e Barbara Burrit “bashkojnë” Zvicrën dhe Kosovën

Nga RedaksiaI 21.01.2018 10:33

Të gjitha fotografitë i lidh sfondi rural që, sipas autores sikur i përafron më tepër realitetet në raportin Kosovë-Zvicër

Njerëzit duhet ta dijnë se në fakt nuk jemi kaq të ndryshëm siç thuhet nga ata që paragjykojnë: nga këto fotografi mund të shihet se ka më shumë ngjashmëri se sa dallime në mes të zviceranëve dhe kosovarëve. Sidomos sa u përket zonave rurale. Kështu thotë Barbara Burri-Sharani duke shpjeguar sfondin dhe idenë e fotografive që i ka shkrepur ajo.

Bëhet fjalë për disa fotografi të bëra në Kosovë, kryesisht në Prizren e rrethinë dhe disa të tjera, në regjione tipike rurale të Zvicrës, kryesisht në Appenzell.

Ajo që venë në pah fotografitë e Barbara Burrit është një frymë jete dhe vitaliteti që i përshkon, një koloritet i pasur që në fakt edhe karakterizon ambientet dhe njerëzit që ajo ka përzgjedhur për t`i fotografuar. Një shqiptar me plis, duke luajtur me fyell diku në Prizren krahas një zvicerani me veshjen perkatëse kombëtare, duke luajtur me fizarmonikë. Pastaj një i moshuar shqiptar po ashtu nga fshati duke shitur perime në një qoshe të një qyteti në Kosovë krahas pamjeve me sfond fshati zviceran. Të gjitha fotografitë i lidh pra sfondi rural që, sipas autores sikur i përafron më tepër realitetet në raportin Kosovë-Zvicër.

Këto fotografi janë pjesë e ekspozitës kolektive të titulluar “Ansichts Sache” (Çështje këndvështrimi), shkruan albinfo.ch. Ekspozita është hapur të enjten, më 18 janer dhe në të, krahas Barbara Burrit prezantohen edhe gjashtë autorë tjerë.

Është një ekspozitë ku ndjekësit e kursit për fotografi në kuadrin e Shkollës së Lartë të Arteve në Cyrih prezantojnë rezultatet e punës së tyre disamujore sqaron për albinfo.ch Barbara Burri SHarani.

Ekspozita nuk lidhet me ndonjë tematikë specifike që do t`i bënte bashkë autorët. Secili prej artistëve ka zgjedhur temën dhe mjetet e veta shprehëse, u tha edhe në fjalën e mbajtur me rastin e hapjes së ekspozitësö

Ekspozita është hapur në galerinë “Photo Bastei”, që është mbase galeria më e njohur e Cyrihut ku ekspozohen kryesisht fotografi. Ajo qëndron e hapur deri më 28 janar, kur mbahet edhe “finisazhi”, ose solemniteti i mbylljes së saj.

 

Barbara Burri Sharani njihet si aktiviste dhe politikane zvicerane, e cila, veç tjerash, ka punuar disa vite për organizatat zvicerane edhe në Kosovë. Aktualisht ajo është bashkëkryetare e organizatës Solidar Suisse.

Nga RedaksiaI 21.01.2018 10:33
Shkruaj Koment

Asnjë koment

Ende nuk ka komente!

Më lejoni tju them një histori të trishtuar! Ende nuk ka komente, por mund të jeni i pari që e komentoni këtë artikull.

Shkruaj një koment
Shiko të gjitha komentet

Shkruaj Koment

Hyrje

Fushat e patjetërsuara janë të shënuara me *

Nëse nuk jeni të regjistruar, atëherë klikoni Regjistro!

Para se të dërgoni komentin Tuaj ju lutemi që t’i përmbaheni rregullave të mëposhtme:

Mendimet e shprehura në komente janë opinione private të autorëve të komentit dhe nuk pasqyrojnë pikëpamjet e redaksisë së portalit informativ Titulli.

Gjithashtu lusim lexuesit e portalit Titulli që gjatë shkruarjes së komentit t’i përmbahen drejtshkrimit.

Redaksia mbanë të drejtën e mos aprovimit të komenteve me përmbajtje fyese, që janë vulgare, kërcënuese, raciste si dhe ato të cilat bëjnë thirrje në urrejtje etnike dhe nuk kontribuojnë në komunikim normal mes lexuesve të këtij portali.

Komentet që nuk kanë të bëjnë me temën dhe kanë përmbajtje të papërshtatshme rreth jetës private të personit në artikull, apo fyerje në autorët e tekstit si dhe anëtarët e redaksisë, nuk do të aprovohen.

Vërejtje: Për të dërguar komentin së pari duhet të regjistroheni me emrin (pseudonimin), me të cilin pas aprovimit nga redaksia, këtë emër unik (pseudonim) mund ta shfrytëzoni për dhënien e opinionit tuaj në hapësirën për komentim.