Mustafa Nano dhe vizita e tij Beograd-Bujanoc-Preshevë

Pjesë e këtij projekti është edhe shkëmbimi i artikujve midis gazetës “Danas” në Beograd dhe asaj “Mapo” në Tiranë.

Gjatë vizitës ai vizitoi redaksinë e “Danas”-it ku takua dhe zhvilloi bisedime me kolegun Zoran Panoviç dhe gazetarë e drejtues të kësaj gazete, si dhe mori pjesë në një debat të organizuar në selinë e ambasadës austriake ku ishin të ftuar diplomatë, përfaqësues të shoqërisë civile, gazetarë, profesorë e studentë të katedrës së Gjuhës shqipe pranë Fakultetit të Filozofisë e të letërsisë së universitetit të Beogradit.

Mustafa Nano zhvilloi edhe një vizitë në komunat e Bujanocit e të Preshevës ku u takua me kryetarët e tyre, Shaip Kamberi e Shqiprim Arifi, si dhe me drejtues të partive politike shqiptare të këtyre trevave, Ardita Sinani dhe Sami Salihu  e të tjerë.

Nano u takua dhe pati një bisedë të çiltër e miqësore me një grup gazetarësh të mediave në gjuhën shqipe me të cilët u shkëmbyen mendime për të pasur një bashkëpunim të frytshëm në të ardhmen.

Ambasada e Shqipërisë në Bujanoc