Krijohet Grupi Parlamentar Kosovë-Zvicër

Nga Redaksia 05.12.2017 19:31

Parlamentarët zviceranë i janë përgjigjur pozitivisht ftesës për të marrë pjesë në pritje të organizuar të martën nga Ambasada e Kosovës në Bernë, me rastin e krijimit e Grupit Parlamentar të Miqësisë Kosovë-Zvicër, raporton albinfo.ch.

Në takimin e parë kanë marrë pjesë parlamentarë zviceranë të partive të ndryshme politike, si Felix Müri dhe Maximilian Reiman nga SVP, Barbara Gysi dhe Cédric Wermuth nga SP.

 

Kosova dhe Zvicra janë dy shtete që ndajnë vlerat dhe idetë e përbashkëta, ka deklaruar në pritje ambasadorja kosovare në Bernë, Nazane Breca.

„Mbi të gjitha, Kosova dhe Zvicra kanë një të përbashkët shumë të vlefshme, e kjo është komuniteti ynë shqiptar këtu, i cili dita- ditës po avancon dhe po bëhet pjesë e shoqërisë zvicerane. Janë këto edhe shumë arsye të tjera, të cilat na bëjnë edhe më të lumtur që sot themelojmë „Grupin e Përhershëm Parlamentar Zvicër-Kosovë“, tha ndër të tjera Breca, duke theksuar rolin e këtij grupi në përafrimin e dy shteteve në të ardhmen.

Felix Müri nga SVP, Luzern,

Felix Müri nga SVP, Luzern, është njëri nga nismëtarët e këtij grupi, bashkë me Fatmire Musliun, ministër-këshilltare në Ambasadën e Kosovës në Bernë.

„Kosova dhe Zvicra kanë bashkëpunim të mirë, por ka ende hapësirë për bashkëpunim, sidomos në aspektin ekonomik, pa e anashkaluar edhe atë politik“, tha deputeti Müri.

Ai përmendi edhe numrin e madh të komunitetit shqiptar që jeton në Zvicër, ndërsa gjatë bisedave me deputetë zviceranë tha se është mirëpritur ideja për themelimin e një organizmi të këtillë politik Kosovë-Zvicër.

Maximilian Reimann (SVP, Argau),

Edhe deputeti nacional, Maximilian Reimann (SVP, Argau), tha se tashmë ka ardhur koha për nisma të tilla bashkëpunimi Kosovë-Zvicër.

Fatmire Musliu, ministër-këshilltare në Ambasadën në Bernë, ka treguar para deputetëve zviceranë vendin e saj nëpërmjet një video prezantimi.
Ka shëtitur prej një cepi në cepin tjetër të Kosovës, duke treguar bukuritë që ka vendi, por edhe për yjet, artin dhe kulturën.

Fatmire Musliu

Në fund deputetëz zviceranë kanë shijuar ushqimet e kuzhinës tradicionale shqiptare nga Kosova

Deri tani nismës për krijimin e Grupit Parlamentar Kosovë – Zvicër i janë përgjigjur pozitivisht 19 deputetë zviceranë, nga të gjitha partitë politike.

Sipas proceduarave parlamentare, lista e deputetëve zviceranë do t’i dërgohet Parlamentit të Zvicrës, pasi të regjistrohet do të njoftohet zyrtarisht Ambasada e Kosovës për krijimin e këtij grupi. Një takim i parë ndërmjet dy parlamenteve pritet të realizohet në tremujorin e parë të vitit 2018.

 

Nga Redaksia 05.12.2017 19:31
Shkruaj Koment

Asnjë koment

Ende nuk ka komente!

Më lejoni tju them një histori të trishtuar! Ende nuk ka komente, por mund të jeni i pari që e komentoni këtë artikull.

Shkruaj një koment
Shiko të gjitha komentet

Shkruaj Koment

Hyrje

Fushat e patjetërsuara janë të shënuara me *

Nëse nuk jeni të regjistruar, atëherë klikoni Regjistro!

Para se të dërgoni komentin Tuaj ju lutemi që t’i përmbaheni rregullave të mëposhtme:

Mendimet e shprehura në komente janë opinione private të autorëve të komentit dhe nuk pasqyrojnë pikëpamjet e redaksisë së portalit informativ Titulli.

Gjithashtu lusim lexuesit e portalit Titulli që gjatë shkruarjes së komentit t’i përmbahen drejtshkrimit.

Redaksia mbanë të drejtën e mos aprovimit të komenteve me përmbajtje fyese, që janë vulgare, kërcënuese, raciste si dhe ato të cilat bëjnë thirrje në urrejtje etnike dhe nuk kontribuojnë në komunikim normal mes lexuesve të këtij portali.

Komentet që nuk kanë të bëjnë me temën dhe kanë përmbajtje të papërshtatshme rreth jetës private të personit në artikull, apo fyerje në autorët e tekstit si dhe anëtarët e redaksisë, nuk do të aprovohen.

Vërejtje: Për të dërguar komentin së pari duhet të regjistroheni me emrin (pseudonimin), me të cilin pas aprovimit nga redaksia, këtë emër unik (pseudonim) mund ta shfrytëzoni për dhënien e opinionit tuaj në hapësirën për komentim.