Organizohet diskutim për të drejtat e grave në Bujanoc
Forumi i Gruas të Partisë për Veprim Demokratik dega në Bujanoc në bashkëpunim me Qendrë për Avancimin e të Rinjve dhe Grave organizojnë tribunën me temë "Dhuna, pasojat e saj dhe mbrojtja ligjore".Ky diskutim publik organizohet me rastin e fushatës 16 ditësh të aktivizimit kundër dhunës në baza gjinore dhe shënimit të ditës ndërkombëtare të dhunës ndaj gruas.
Tribuna mbahet ditën e Hënë më 4 Dhjetor me fillim prej orës 18:00 në Shtëpinë e Kulturës në Bujanoc ndërsa të ftuar janë përfaqësues nga njësia policore në Bujanoc, prokuroria themelore njësia në Bujanoc, përfaqësues nga Enti për punë sociale, kryetari i komunës Shaip Kamberi, përfaqësues nga shtëpia e shëndetit.
Pjesëmarrja është e hapur për të gjithë të interesuarat dhe diskutimet do të zhvillohen nga panelist dhe pjesëmarrësit./Titulli.com/
